(AP) – E experimento tras e gigante den ‘fast food’ su tumado di pedido automatisa den drive thru pronto lo caba.
McDonalds a confirma fin di dialuna cu el a dicidi di caba un partnership global cu IBM, cual tin tur e tempo aki ta test su tecnologia di inteligencia artificial na algun drive thru di McDonald’s desde fin di aña 2021.
Esaki no ta nifica cu bo no lo encontra algun tipo di chatbot ora di pasa un di e localidadnan. Mientras cu IMB su partnership cu e commpania ta cabando, e compania basa na Chicago a sugeri cu e no ta descartando algun plan di AI potencial den futuro, señalando “un oportunidad pa explora solucionnan di pedido via bos di manera mas amplio.”
“Nos trabao cu IBM confiansa cu un solucion pa drive thru lo forma parti di nos restaurant su futuro,” McDonalds a bisa den un declaracion e siman aki, agregando u e lo sigui evaluacionnan pa “haci un decision informa den futuro pa fin di e aña.”
Varios cadena di ‘fast food’ a cuminsa explora e implementacion di AI den varios operacion durante añanan recien, cu varios señalando e posibilidadnan di maximalisa velocidad y corta gastonan.
Na Merca, Wendys a bira partner di Google pa desaroya e chatbot “Wendy’s FreshAI.” White Castle a uni SoundHound AI cu e meta di trece tecnologia di AI na mas di 100 restaurant pa fin di 2024. Y un cantidad di Panera, Arby’s y Popeyes a cuminsa haci uso di “Tori” como asistent di bos pa haci peticionnan.
Ademas di Merca, Popeye’s U.K a lansa su prome drive thru cu AI luna pasa, despues cu e compania a informa cu e programa tabatin 97% exito/
Exito pa druve thru podera pa AI ta mixto. McDonald’s su sistema di tuma pedido automatisa cu IBM a ricibi varios keho den añanan recien, por ehempel, cu varios cliente publicando riba rednan social nan keho pa documenta cu e chatbot no ta compronde nan pedido.
Fuentenan sin nombra cu ta familiar cu e tecnologia a conta CNBC cu e tecnologia tabatin dificultad pa interpreta e diferente accento y dialecto, entre otro desafionan afectando su resultado.
McDonald’s a nenga duna comentario tocante e resultado di e sistema. Un declaracion inicial di IBM a bisa cu “e tecnologia ta comproba di tin algun di e capacidadnan mas comprensivo den e industria, lihe y acertando den algun di e condicionnan mas exigente,” pero no a contesta inmediatamente na preguntanan tocante desafionan potencial specifico.”
E compania di tecnologia basa na Armonk, New York, tambe a bisa cu e ta actualmente “den dialogo y testnan” cu varios otro compania di servicio lihe ta interesa den e programa di tuma pedido.
Segun Restaurant Business y CNBC, cual a obtene un memo manda pa franquisianan siman pasa, e tecnologia di pedido automatico lo ser retira na McDonald’s su localidadnan “no mas tardar cu dia 26 di juli 2024.”
