(AP) — Papa Francisco a reta lidernan di e democracianan mas rico di mundo diabierna pa tene dignidad humano na prome lugar den desaroyo y uso di inteligencia artificial, advertiendo cu tecnologia poderoso asina tin riesgo di converti relacionnan humano mes den mero algoritmo.
Francisco a trece su autoridad moral riba e Grupo di Siete, invita pa anfitrion Italia pa papia na un sesion special na nan cumbre anual riba e peliger y promesanan di AI. Den haci esaki, el a bira e prome papa pa atende G7, ofreciendo un opinion etico riba un asunto cu cada bes mas ta riba agenda di cumbrenan internaiconal, politica di gobierno y hunganan corporativo.
Francisco a bisa cu politiconan mester tuma e liderazgo den sigura cu AI ta keda cu humano den centro, pa asina decisionnan tocante con pa usa arma of hermentnan menos letal semper keda haci pa hende y no pa mashin.
“Nos lo condena humanidad na un futuro sin speransa si nos kita e habilidad di hende di tuma decision tocante nan mes y nan bida, door di ‘doom’ nan pa depende riba escogencia di mashin,” el a bisa. “Nos mester sigura y salvaguardia un espacio pa control humano adecua riba e escogencianan haci pa programanan di inteligencia artificial: dignidad humano mes ta depende riba esaki.”
E declaracion final di G7 a refleha su preocupacionnan.
E lidernan a priminti di coordina e gobernacion y marconan regulatorio rond di AI miho, pa tene “cu humano central.” Na mes momento, nan a reconoce e impactonan potencial riba e mercado laboral si mashin tuma e lugar di trahadornan humano y riba sistema di husticia si algoritmonan pronostica recidivismo.
“Nos ta bay busca un transformacion digital inclusivo, centra riba ser humano, cu ta sostene crecemento economico y desaroyo sostenible, maximisando beneficio, y manehando riesgo, den linea cu nos balornan democratico comparti y respeto pa derechonan humano,” nan a bisa.
Door di atende e cumbre, Francisco a join un coro di pais y cuerponan global pushando pa mayor control y seguridad den AI despues di e boom den AI generativo impulsa pa ChatGPT di OpenAI.
E papa Argentino a usa su mensahe anual di paz e aña aki pa haci un yamado pa un tratado internacional pa sigura cu ta desaroya y usa AI di manera etico. Den e mensahe, el a argumenta cu un tecnologia cu falta e balornan humano di compasion, piedad, moralidad y perdon ta mucho peligoroso pa desaroya sin control.
