(AP)—Presidente Mericano Joe Biden a bisa diahuebs cu e no lo usa su podernan presidencial pa haci e sentencia eventual di su yiu homber Hunter mas leve despues Hunter a ricibi su conviccion di delito riba crimen di arma.
Biden, siguiendo e conclusion di un conferencia di prensa organisa na e cumbre di Group of Seven di e democracianan mas rico na mundo, a responde cu e no lo interveni ora a puntr’e si e ta plania pa conmuta e sentencia di su yiu. E fecha di sentencia di Hunter Biden no a ser plania ainda, y e tres conviccion ta carga te cu 25 aña den prizon, aunke esaki ta mayormente improbable mirando cu esaki ta e prome biaha cu Hunter ta ser condena.
Ultimamente, e lo keda na e hues di districto Maryellen Noreika pa dicidi con largo Hunter Biden lo keda den prizon, si e haya e sentencia aki. E remarcanan di Biden a bin un dia despues cu e White House a nenga pa descarta un posible conmutacion pa Hunter Biden. Ambos e presidente y e White House a bisa pa algun luna caba cu Biden no lo duna su yiu pordon presidencial.
“Mi ta extremamente orguyoso di mi yiu Hunter. El a surpasa un adiccion. E ta un di e personanan mas inteligencia y decente cu mi conoce,” Biden a bisa durante e conferencia di prensa diahuebs. “Mi ta bay acepta e decision di e hurado. Mi lo haci esey y mi no lo dun’e pordon presidencial.”
Huradonan a haya Hunter Biden culpable di gaña un bendedo di arma licencia, haciendo declaracionnan falso riba e aplicacion por medio di bisa cu e no tabata usa droga y cu e no tabatin un arma ilegalmente pa diesun dia.
