(AP) — Un hues na Georgia a duna orden pa un abogado di rapper Young Thug pasa e proximo 10 siman cera despues di a hay’e den desacato.
Abogado di defensa Brian Steel ta representa e rapper, kende actualmente ta den huicio na Atlanta pa cargonan incluyendo violacion di e leynan anti-racketeering y gang na Georgia. Hues di corte superior di condado di Fulton, Ural Glanville dialuna a duna orden pa Steel bay cera despues cu e abogado a nenga di bis’e con el a haya sa di un reunion entre e hues, fiscalnan y un testigo di fiscalia.
E movida dramatico ta e twist mas recien den un huicio cu a alarga pa mas cu un aña sin fin den bista, y ta plaga cu problema.
Young Thug, un ganador di Grammy kende su nomber legal ta Jeffery Williams, a keda acusa dos aña pasa den un acusacion amplio contra dje y otro dos decena di persona di conspira pa viola e ley anti-racketeering di Georgia. E tambe ta acusa di crimen di gang, droga y arma, y ta den huicio cu cinco di e otro acusadonan hunto cune.
