(AP) – Decenas di hende y mucha muhe a ser deteni ilegalmente y abusa na facilidadnan di detencion militar na Nigeria despues di a scapa cautividad pa medio di extremistanan Boko Haram den e pais, Amnesty International a bisa den un rapport nobo riba dialuna.
Algun di e hende muhenan a keda deteni cu nan yiunan pa añanan largo a causa di nan asociacion sea percibi of real cu extremistanan segun rapport. El a cita 126 entrevista, mayoria cu sobreviviente, durante e 14 aña desde cu extremistanan Islamico a lansa nan rebelion.
E rapport ta ripiti preocupacionnan anterior di derechonan humano tocante e ehercito di Nigeria, cual den pasado a ser acusa di asesinatonan y detencionnan ilegal den un di e mundo su conflictonan cu mas tempo andando.
E rapport, sinembargo, a nota cu e practica di detencion prolonga y sin ley cu ta menos amplio den ananan recien.
Nigeria su ehercito a descarta e rapport como uno “sin substancia” y a reitera cu el a sigui traha riba mehora su record pa cu derechonan humano y ta mantene tur empleado responsabel. E conflicto a surpasa e fronteranan y a causa e morto di 35,000 persona y a desplega mas di 2 miyon. Muhenan y mucha muhenan hopi biaha ta obliga casa of ta abusa sexualmente den cautividad.
Sinembargo e condicionnan den cual algun di e hende muhenan a mira nan mes aden despues di huy di cautividad tabata asina “horibel” cu hopi di nan a scoge bolbe Boko Haram, Niki Frederiek, investigador di crisis na Amnesty International a bisa di e campnan di detencion localisa na e facilidadnan militar na Borno.
Por lo menos 31 sobreviviente entrevista a bisa cu nan a ser ilegalmente deteni, e rapport a bisa, sugiriendo cu e practica mester ta mas amplio. “Algun di e soldaatnan aki a insulta nan, yama nan ‘casanan di Boko Haram’ y acusando nan di ta responsabel pa asesinatonan. Varios a describi batimento y condicionnan abismal den e detencion, cual ta practicamente tortura of otro tiponan di maltrato,” e rapport a bisa.
“E autoridadnan di Nigeria mester duna sosten na e muchanan aki mientras nan ta completamente reintegra den sociedad,” Samira Daoud, Amnesty International su director regional pa West y Central Africa.
