(AP) – Lidernan den hopi area di conflicto ta mas interesa den poder y politiconan rival cu tende e necesidadnan di nan hende, mehora nan bida y caba cu e pleitamento, hefe humanitario di Nacionnan Uni a bisa The Associated Press.
Den un entrevista diaranson, Martin Griffiths a bisa cu empleadonan humanitario den paisnan cu conflicto ta mira e consecuencianan di e fracaso aki tur dia ora cu hopi biaha nan ta pone nan bida den peliger pa yuda miyones di persona cu tin hamber, leu for di cas y pega den violencia. Esaki a ser mira na Gaza, unda mas di 200 empleado a ser asesina caba.
E guera di 8 luna na Gaza ta corda mundo di e disposicion di algun nacion clave pa purba caba e conflicto, segun Griffiths, ken ta preparando pa retira e luna aki despues di 3 ana como coordinador di alivio di emergencia y asuntonan humanitario. “No tin falta di un diplomacia na Gaza,” el a bisa. “E no ta funcionando suficientemente bon. Sinembargo e esfeursonan cu a ser haci pa un rango amplio di gobiernonan pa sostene hendenan Palestino ta bisa nos cu e por ser haci.”
Nacionnan Uni tambe a critica forsanan Israeli pa stroba delivery y a haci yamado na tur frontera pa ta habri y pa segura e seguridad di empleadonan di ayudo y convoy cu ta ser ataka pa Palestinonan cu hamber. Israel varios biaha a culpa Nacionnan Uni pa no hiba suficiente ayudo na Gaza.
Griffiths a yama Israel su critica absurdo, enfatisando cu su obligacionnan como un poder cu a ocupa e pais ta di proteha y provee e ciudadanonan cu esencialnan pa bida diario. “Hamas tin un obligacion di no a cuminsa e eventonan di dia 7 di october, cual a causa e iteracion particular aki di e tragedia teribel Palestino.”
Griffiths tambe a bisa cu e ta academico si Israel ehecuta un operacion militar completo na Rafah of no, pa motibo cu el a afecta un miyon Palestino y “a haci suficiente daño cu a causa cu casi tur ayudo no por drenta Gaza.”
El a bisa cu e Secretario-General Antonio Guterres lo atende un conferencia diamars na Amman, Jordan, co-anfitriona pa U.N Jordan y Egipto cu e meta di apresura e ayudo humanitario cu ta ser duna na Gaza.
