(AP) – Slovenia a reconoce un estado Palestino riba diamars despues cu su parlamento a vota na fabor di e movida, despues di pasonan recien di 3 otro pais Europeo.
Slovenia su gobierno a promove un mocion siman pasa di reconoce un estado Palestino y a manda e proposicion pa parlamento pa un aprobacion final, cual tabata necesario pa e decision por tuma efecto.
Legisladornan riba diamars a vota 52 na fabor y ningun contra e reconocemento den un parlamento di 90 asiento. E legisladornan restante no tabata presente pa e voto.
“Keridonan di Palestina, awe su decision final di Slvenia ta un mensahe di speransa y pas,” Slovenia su Minister di Exterior Tanja Fajon a bisa riba plataforma di red social X. “Nos ta kere cu solamente un solucion di dos estado por yega na un pas duradero den Medio Oriente. Slovenia lo sigui traha riba e seguridad di ambos nacion, Palestinonan y Israelitanan.”
Slovenia su decision a bini dianan despues cu Spaña, Noruega y Irlanda a reconoce un estado Palestino, un movida cu Israel a condena.
Anteriormente, solamente 7 miembro di e 27 nacion parti di e Union Europeo a recnoce un estado Palestino. 5 di nan ta ex paisnan cu a anuncia reconocmento den aña 1988, manera Cyprus, prome cu uni e Union Europeo. Suecia su reconocimento a bini den aña 2014.
