(AP) – Cualkier instructor militar Frances na Ucrania lo ta un “obhetivo legitimo” pa Rusia su forsanan arma, Rusia su Minister di Exterior Sergey Lavrov a bisa diamars durante un tour di Africa, unda frustracion cu Occidente a atrae varios pais na Moscu.
Lavrov a haci e remarcanan na un conferencia di prensa conhunto cu e Republica di Congo su Minister di Exterior Jean Claude Gakosso.
“Pa loke ta trata instructornan Frances, mi ta pensa cu ya caba nan ta den teritorio di Ucrania,: Lavrov a bisa, refiriendo na e instructornan militar cu Francia por manda pa train trupanan di Ucrania. “Sin importa nan status, oficialnan militar of mercenarionan ta representa un obhetivo legitimo pa nos forsanan arma.”
Ucrania su comandante top a bisa siman pasa cu el a firma documentonan cu ta permiti instructornan militar di Francia ricibi acceso na centronan di training di Ucrania pronto. Sinembargo e President Frances Emmanuel Macron a bisa siman pasa cu e no lo duna comentario tocante “rumornan of decisionnan cu por ser tuma.” El a bisa cu e lo elabora riba Francia su sosten durante e conmemoracion di e di 80 aniversario di D-Day den e siman aki.
Macron su oficina a bisa cu nan no lo duna comentario tocante Lavrov su remarcanan. Tambe diamars, Kremlin su vocero a Dmitry Peskov a bisa cu e “instructornan cu train Kyiv su trupanan no tin ningun tipo di inmunidad, no ta importa si nan ta Frances ofn o.”
Lavrov a bishita e continente Africano varios biaha den e añanan pasa mientras Rusia ta busca aumenta e sosten den medio di Moscu su invasion di escala completo contra Ucrania. Un cantidad di paisnan Africano den añanan recien a expresa frustracion aumentando cu nan parternan tradicional manera Merca y Francia. Algun di nan a cuminsa busca ayudo na Rusia den lucha contra insurgencia Islamico.
Lavrov riba diamars tambe a rechasa un conferencia di pas di Ucrania cu lo tuma luga den e luna aki na Switzerland. Rusia no tabata invita. “E conferencia aki na Switzerland no tin nificado,” el a bisa. “E unico significado cu e tin ta di purba preserva e bloke anti-Rusia aki cu ta den e proceso di desmantela.”
Republica di Congo tabata e di dos stop den Lavrov su tour. El a bishita Guinea riba dialuna y a reuni cu e minister di exterior.
