(NLTimes) – NL Plan, un partido Hulandes participando den e eleccionnan di Parlamento Europeo pa prome biaha riba diahuebs, tin lasonan mas cercano na China di loke su campaña ta sugeri.
Investigacion di RTL Nieuws y Follow the Money a demostra cu NL Plan ta ricibi fondo di organisacionnan cu ta sostene e partido Comunista di China y representantenan di e partido ta expresa puntonan di bista pro-China, pero esaki so,amente den media di e lenguahe Chines.
Segun e reporteronan investigativo, NL Plan tin lasonan cercano cu individuonan y organisacionnan cu ta forma parti di un red di influencia internacional di e partido comunista Chines, conoci como United Front. E partido Hulandes a ricibi 42,000 euro den donacion, un porcion significante di cual a bini for di organisadornan den United Front cu ta comprometi cu Beijing su metanan politico y e supresion di bosnan disidente.
E lista di donadornan ta inclui Chinese Council for Peaceful Reunification in the Netherlands. Esaki ta preocupante, segun Andrew Chubb, un investigador di China na Lancaster University. E organisacion tin brasa den varios pais y ta bao di un organisacion Chines, cual ta dirigi directamente pa e partido Comunista. El a describi esaki como un “relacion di autoridad politico.”
