(AP) – Polonia a aresta 18 persona bao acusacion di plania actividadnan hostil of un sabotahe di parti di Rusia y Belarus, incluyendo plan pa asesina Ucrania su president Volodymyr Zelenskyy, e minister di interior a bisa dialuna.
10 di e personanan deteni desde december tabata directamente involucra den plania varios forma di sabotahe na Polonia, Minister di Interior Tomasz Siemoniak a expresa na un conferencia di prensa.
Autoridadnan di Polonia a conecta algun crimen recien y intento di crimen na agentenan cu sponsor Ruso. Nacionalnan di Polonia, Belarusia y Ucrania ta entre e personanan deteni den e lunanan recien, segun Internal Security Agency su comunicadonan.
Un homber di Polonia a ser deteni den april a causa di acusacionnan di ta cla pa ehecuta spionahe pa Rusia su inteligencia militar den un supuesto plan pa asesina Zelenskyy, fiscalnan Polaco a bisa. E homber aparentemente tabata buscando manera di tin contacto cu Rusonan directamente involucra den e guera na Ucrania y ta sospecha cu el a duna informacion detaya tocante aeropuerto strategico Rzeszow-Jasionka Airport na Polonia, cual ta cerca di e frontera cu Ucrania.
Siemoniak a bisa cu e actonan di sabotahe tabata aparentemente parti di un plan mas amplio cu tambe ta inclui atakenan cibernetico, pusha migrantenan den Belarus crusa e frontera pa bay Polonia y menasa e seguridad di e pais cu ta sosteniendo Ucrania den contraresta Rusia su invasion.
“Nos no tin duda cu di acuerdo na deseonan di un pais stranhero, Rusia, tin algun persona activo cu ta cla pa menasa e bida, salud y propiedad di e ciudadanonan Polaco,” Siemoniak a bisa.
