Diasabra , 1 di juni ultimo, mester a tuma luga e Fundraising Bingo di Centro Pastoral Aruba(CPA) y Pastoral Hubenil Aruba (PHA). Pa motibonan fuera di alcance y riba peticion di esnan encarga cu benta di bingo, el a ser cancela y posponi pa diasabra, 24 di augustus 2024. Tur otro detaye a keda mescos: prijs pa carchi ta f.10,00 – Orario: 7:00 pm – Via Cable Canal 48 Diario TV.
Ya for di dos siman pasa, Bingo Aruba a anuncia esaki den su programa y riba su pagina di Facebook, PHA tambe a post esaki riba su pagina di Facebook y algun radio emisora a pas’e varios biaha caba den nan programa.
CPA y PHA ta pidi disculpa pa e inconveniencia, ta gradici pueblo di Aruba pa e cooperacion y ta pidi pa warda e carchi di bingo pa diasabra 24 di augustus venidero.
Pa mas informacion por tuma contacto via 569-4087 of 565-7176. Danki p’e comprension!
