(AP) – Entre e holornan, lusnan fuerte y omnipresencia di television, tin hende cu no ta sinti nan mes conecta na bay gym. Na luga di esaki, e ta core, core bais, hunga tennis, futbol, hike, cual kier cu ta haci cu e ta sali lo mas frecuente posibel.
E beneficionan di salud di pasa tempo den naturalesa tin hopi tempo estableci y ehercicio, en general, claramente ta mehora bienestar fisico y mental. Combina e dos cosnan aki y bo ta ricibi tur loke e adultonan tin mester pa keda saludabel, segun Debbie Rhea, profesor di kinesiologia na Texas Christian University. “Nos tin cu sali pafo. Nos tin cu keda activo,” Rhea a bisa. “Si nos kier biba pa hopi tempo, esaki ta e manera.”
Cuminsa train bo forsa cu loke bo tin rond
Un beneficio agrega di haci ehercicio pafo ta cu bo no tin e necesidad di cumpra ekiponan caro segun e trainernan.
Despues di warm up cu bo actividad aerobico preferi, bo ta agrega training di forsa pa medio di usa e peso di bo curpa y loke ta disponibel den e ambiente. Esaki por inclui un mesa di picnic den e area of un muraya chikito, unda bo por steun y haci push up. Despues bira, pone bo man riba e mesun superficie, y zak bay abao.
Pa traha riba bo pianan, agrega squat cu bo pianan alinea cu bo schouder, mirando straight dilanti y cu bo lomba straight tambe. Bo por agrega lounges pa medio di tuma pasonan grandi y zak den e espacio entre bo dos pianan. Pa bo train bo bariga, busca un sitio cu tin yerba pa bo por haci sit-up.
Cuminsa cu 8 pa 10 ripiticion y no mas di loke bo ta sinti confortabel cune, y agrega set cu breaknan den medio pa bo por train bo forsa.
