(NLTimes)—Partido iskierdista den oposicion GroenLinks-PvdA y partido di coalicion derechista NSC kier duna e Autoriteit Consument & Markt (ACM) mas poder pa preveni e reduccion den e calidad di cuido medico por medio di stop adkisicionnan no desea pa inversornan di equidad priva.
E partidonan lo introduci un legislacion den parlamento pa haci esaki posible. Nan kier modifica e ley di competencia pa asina ACM por evalua adkisicionnan y stop nan si ta necesario. Luna pasa a bira claro cu un mayoria den parlamento Hulandes kier deshaci di inversornan comercial den cuido medico cu ta enfoca principalmente riba ganashi.
“Inversornan externo ta cumprando mas y mas di nos servicionan publico. P’esey, premiumnan colectivo y placa di impuesto ta sali for di nos cuido medico den saco di inversornan rico,” segun Julian Bushoff (GroenLinks-PvdA). E lo entrega e propuesta hunto cu Daniëlle Jensen for di NSC.
E dos a declara cu e problemanan cu e cadena di dokternan comercial Co-Med ta mustra cu mester accion mas rapido. E Inspectorado di Salud y Cuido Hubenil a tuma accion caba relacionando na e organisacion aki. A pesar di tin hopi problema, e cadena ainda por a sigui cumpra praticanan di dokter.
Minister di Salud demisionario, Conny Helder, ta opone un prohibicion riba inversornan priva den cuido medico. El a bisa cu no tur inversion den e sector haci pa inversornan priva no ta desea. Ademas, estudio ta mustra cu un prohibicion por carga riesgonan legal, Helder a bisa den un debate.
