(AP)—Hungria lo busca pa keda afo di cualkier operacion di NATO pa apoya Ucrania, segun prome minister Hungaro Viktor Orbán diabierna, sugeriendo cu e aliansa militar y e Union Europeo tabata moviendo den direccion di un conflicto mas directo cu Rusia.
Orbán a conta radio estatal cu Hungria ta opone un plan cu NATO ta considerando pa provee mas apoyo militar pa Ucrania durante e añanan binidero pa combati e invasion di Rusia, como cu tropanan miho equipa ta tumando control riba e bataya.
“Nos no ta aproba esaki, ni no kier participa den apoyo financiero of militar (pa Ucrania), hasta dentro di e framework di NATO,” Orbán a bisa, agregando cu Hungria a tuma un posicion como un “no participante” den cualkier posible operacion di NATO pa asisti Kyiv.
“Nos mester redefini nos posicion dentro di e aliansa militar, y nos abogado- y agentenan ta trahando riba.. con Hungria por existi como un miembro di NATO y no participa den accionnan di NATO pafo di su teritorio,” el a bisa.
Orbán, considera como e partner mas cercano di presidente Ruso, Vladimir Putin, dentro di UE, e enfatisa e rol di NATO como un aliansa di defensa, y a bisa cu e no ta comparti e mesun preocupacion di otro paisnan Europa cu e ehercito Ruso no lo stop cu su agresion si e gana e guera den Ucrania.
“E forsa di NATO no por compara cu esun di Ucrania,” el a bisa. “Mi no ta considera esaki un proposicion logico cu Rusia, cual apenas por maneha Ucrania, lo bin diripiente pa henter e mundo West.”
Hungria a nenga di suministra ayudo militar pa Ucrania, y Orbán a keda opone e sancionnan di e bloc riba Moscu aunke semper a vota pa nan eventualmente. E lider nacionalista ta preparando pa e eleccion parlamentario di Union Europeo dia 6 pa 9 di juni, y a presente su partido como un garantisador di paz den e region. El a caracterisa Merca y otro paisnan den UE cu a pa mas apoyo pa Ucrania como “pro-guera” y ta actuando den preparacion pa un conflicto global.
