(NLTimes) – Un total di 24 mucha muhe a entrega un keho te awo contra un homber di 26 aña na Den Haag, ken ta sospecha di grooming y abusa di muchanan hoben mientras e tabata gaña ta un reclutor di talento.
E victimanan tur tabatin entre 6 pa 14 aña di edad, tur a ser abusa online y tur ta biba na Hulanda of Belgica. Un total di 4,000 imagen abusivo sexualmente a ser haya riba su computer, segun Ministerio Publico (OM) a bisa diamars na e prome audiencia preliminar na Corte di Districto na Den Haag.
Ibrahim A. a pretende di ta un reclutor ta busca modelonan nobo y el a obliga su victimanan hoben manda potretnan sunu y video di nan ta haci actonan sexual. “Nos ta papiando di un homber adulto cu a comete agresion sexual riba muchanan via maneranan digital. E homber a acerca e victimanan hoben via TikTok, Instagram y Snapchat,” e fiscal a informa.
E homber tambe aparentemente a distribui e contenido abusivo sexual. El a keda deteni dia 6 di februari y a confesa na su crimen. El a bisa cu el o coopera completamente cu investigacion di polis y tambe a keda di acuerdo na un examinacion psicologico. Polis ta purbando identifica e cantidad mas grandi di victima cu ta posibel y autoridadnan ta purbando di tuma contacto cu nan mayornan.
OM a bisa cu e tabata di importancia social grandi pa adverti e mayornan di e muchanan tocante sexting. “E tema ta actual y relevante. E Ministerio Publico ta kere cu ta importante informa e mayornan y haci nan resiliente,” e fiscal a bisa.
E sospechoso a bisa e hues cu e ta haya dificil haya e palabranan corecto pa expresa su mes tocante e crimen y cu e realisacion di e crimen a bira hopi mas aparente. “E ta keda impacta mi mas y mas, loke m ia haci. Mi ta spera ta keda cla pa e victimanan cu un periodo di miedo y incertidumbre a yega su fin.”
