(NLTimes) – Den e dos simannan prome cu Minh Nghia V. (50) a tira su ex pareha Anneke (40) y su mama Michel (66) na un centro di compras na Zwijndrecht, Anneke a purba reporta e homber dos biaha pa menasa. Apesar di e hecho cu polis tabata sa cu V. ta arma y peligroso, nan no a tuma nota di e rapport, Anneke su abogado Sebas Diekstra a conta AD. E huicio contra V. ta cuminsa awe.

V. ta sospechoso di tira su ex pareha y su mama den parking lot di Walburg Mall na Zwijndrecht na fin di januari 2023. El a herida su ex pareha, Anneke, ken te ainda ta paralisa. Su mama, Michel, a fayece na e escena. V. a keda aresta despues di un buskeda di 5 siman. El a confesa poco despues di su aresto.

Diekstra a puntra Inspectorado di Husticia y Inspectorado pa investiga si e tiroteo por a ser preveni si e polis lo a tuma Anneke su kehonan na serio. “Mi kier pa e inspectorado duna su opinion riba tocante si e polis a fracasa den e caso aki,” el a conta AD.

Segun e rapport oficial, e rapport skirbi for di polis, Anneke a purba reporta menasanan cu el a ricibi di su ex pareha Minh Nghia V. na polis un siman prome cu e tiroteo na mall. Ambos biaha el a sali di stacion di polis sin cu nan a tuma e keho. “Na final no a tuma e keho,” e rapport skirbi di Anneke su bishita na e stacion di polis ta bisa. “Prome e mester laga na cla cu e relacion a caba y cu e no kier contacto mas. Si e menasanan continua, lo tin un stop na e combersacion y despues por otorga e keho.”

Dijkstra ta haya esaki hopi straño y ta comenta cu V. tabatin 11 antecedente. “111 registracion di hecho of ofensanan criminal,” Dijkstra a bisa. “Varios di cual tabata violento.” El a yama e antecedentenan “un cantidad extremadamente grandi. Un lista largo.” E homber a keda registra den e sistema di polis como “peligroso cu arma di candela.”

E mesun rapport a demostra cu Anneke a conta polis cu e tabata den un relacion cu V. pa 13 aña, cu el a caba e relacion via WhatsApp, nan tin nan propio cas y cu ainda e homber tin yabi di su cas.

“E ta hopi straño cu, den consulta, a keda dicidi cu no lo crea un rapport y tuma e keho. Sinembargo den e rapportnan cu ta bini despues, bo por mira con serio e hechonan tabata na e momento aki: un homber cu arma di candela, ken tabatin varios crimen violento den su record criminal, y ken ta acusa di menasa di parti di su ex pareha,” Diekstra a bisa. “Eora e alarmanan mester a bati na polis, corecto? Pero nan no a traha un rapport. Y e resto a historia.”

Polis a conta AD cu nan a tuma nota di Diekstra su peticion na e Inspectorado pa investiga e topico.