(DiarioLibre) – Centenares di agentenan policial di Kenya a train durante ovario luna pa e mision di nan bida: yuda lidera e forsa multinacional encarga di pone ordo na Haiti y lucha contra e gruponan arma.

E despliegue a dividi e nacion di Africa, pues tin hende cu ta contra di e mision aki pa manda polisnan pa otro pais ora cu na nan propio pais tin problemanan di seguridad. Esaki tambe a produci un debate intenso den e parlamento tocante si Kenya mester lidera e mision aki.

E tribunalnan tambe a purba di blokia e despliegue aki, mientras cu activista- y gruponan di derechonan humano, citando un historia di abuso- y homidicionan ilegitimo di parti di e polis di Kenya, a denuncia esaki rotundamente.

Sinemabrgo, e plan a ricibi apoyo di su defensor principal, e presidente William Ruto di Kenya, ken a bisa cu yuda Haiti tabata un yamada pa “sirbi humanidad”.

Washington Post a informa cu aworaki, varios luna despues di termina cu nan training, e agentenan policial di Kenya a wordo yama e siman aki pa nan regresa di nan licencia den preparacion pa sali pa bay Haiti, segun entrevista cu varios agente di polis cu ta forma parti di e despliegue planifica. E oficialnan a bisa cu nan no tabatin un fecha sigur pero nan a anticipa cu nan ta yega Haiti e luna aki mes.

Nan salida tan spera ta sucede durante momentonan cu Merca, cu ta e pais cu ta financia gran medida, ta intensifica su esfuersonan den e teritorio pa e yegada di e ayudo multinacional, manera e construccion di un base di operacion na e aeropuerto di Port-au-Prince.

Manera e medio Mericano ta informa, un avion di carga militar Mericano a yega diasabra na e Aeropuerto Internacional Toussaint Louverture, na Port-au-Prince caminda nan ta instalando un base di operacion.

E despliegue inminente aki di e ayudo policial pa Haiti ta tuma luga mientras Ruto ta prepara su bishita cerca presidente Joe Biden cual lo ta dia 23 di mei.

Washington Post ta indica cu ta spera cu e mision internacional ta consisti di 2.500 miembro, lidera pa 1.000 agente di polis di Kenya. E resto di e despliegue ta consisti di mas di seis pais cu a compromete nan mes pa proporciona personal adicional.

E agentenan policial di Kenya ta bay ta e promenan cu lo yega Haiti y algun experto den seguridad ta cuestiona nan disposicion pa apoya e polis di Haiti, ken ta completamente agobia pa e gruponan arma, cu tin e control di e capital.

“Esaki ta un teritorio nobo pa e forsa di Kenya,” Murithi Mutiga a bisa, ken ta director di e programa Africano di International Crisis Group.

E polisnan Kenyano cu ta bay embarca den e mision aki a wordo selecciona cuidadosamente y ta esnan miho capacita. Sinembargo, “basicamente nan ta bay drenta den un caminda desconoci unda e riesgonan ta considerablemente grandi,” Mutiga a splica.