(AP) – Nan ta cana na Doha su promenada y ta canta tocante muchanan cu awo ta “parha den shelo,” bulando liber di e dolor di e guera na Gaza.
Pa e grupo Palestino, Sol Band, e ta surrealista cu simannan atras nan tabata sconde pa atakenan Israeli. “Nos kier pa e guera caba,” Rahaf Shamaly, e banda su vocalista principal y e unico muhe. “Mi kier bolbe Gaza, cana y limpia su cayanan, brasa mi famia y canta cu e banda den e luga unda nos a cuminsa.”
5 di e banda su 7 musiconan a bolbe Gaza den augustus pa traha riba nan proximo album. “Nos tabatin hopi musica y presentacion den plan,” Fares Anbar, e banda su percusionista a bisa. Sinembargo dia 7 di october, Hamas, conhuntamente cu otro militantenan, a ataka Israel, causando fayecimento di 1,200 persona y a tuma 250 persona como rehen. Israel a retalia cu e campana militar cu te awo a causa e fayecimento di mas di 35,000 persona na Gaza.
Den april, e 5 miembronan di e banda por a sali for di Gaza via Egipto pa yega Qatar.
E banda, cual a forma den 2012 y ta toca canticanan Arabico y nan propio canticanan pop moderno, tin hopi tempo como un refugio pa su miembronan cu a crece na Gaza den medio di pobresa fuerte. Nan cas, a ser blokia pa ananan largo pa Egipto y Israel. E ta un poblacion di 2.3 miyon Palestino y a sufri varios ronda di guera entre Israel y Hamas, cual tabatin mando desde ana 2007.
“Bibando bao un ocupacion y cu circunstancianan sumamnte dificil, musica tabata mi unico escape desde cu mi tabata un mucha,” e banda su fundador y percusionista Fadel a comenta. Musica a crea Fadel su bida. Su welo tabata un di e percusionista den e area y su wela tabata toca un instrumento musical similar na un flauta, oud.
Di Sol Band su canticanan, “Raweq Wa Haddy,” of “Chill Down,” ta nan canticanan mas famoso. E letranan ta priminti “dianan bon cu lo bini back” awo ta mustra henter un bida leu pa personanan cu ta muda di luga pa luga, scondiendo di e atakenan aereo.
Despues di bolbe Gaza den augustus pa graba, e 5 miembronan di e banda a graba nan mes ta sobevivi e atakenan y tabata publica e videonan online na momento cu tabatin conexion na internet. Musica a keda nan escape y nan speransa principal; nan a crea canticanan, hopi biaha den medio di destruccion, cu zonidonan di explosion den e background. Nan a graba videonan musica for di unda nan tabata kedando, urgiendo hende no perde speransa y keda resiliente den medio di adversidad.
“Mi yiunan ta parha den shelo, shelo ta afortuna di tin nan,” un cantica ta bisa/“Henter mi bida mi a spera di cria nan y mira nan crece dilanti mi wowo.”
Den shelter y campnan rond di Gaza, Sol Band su 5 miembronan tabatin actividadnan pa muchanan cu mester a bay for di cas pa mantene nan mente leu di loke ta pasando. Anbar, e banda su percusionista, a te hasta siña nan con pa mantene un beat como drummer.
