(NLTimes) – Lider di partido PVV Geert Wilders te ainda no a bisa ken e tin plan di nomina pa Prome Minister si e gabinete entre PVV, VVD, NSC y BBB funciona. Esaki a causa speculacion den e circulo politico di Den Haag.
E lidernan di e 4 partido a keda di acuerdo den maart cu ningun di nan lo bira Prome Minister of miembro di Gabinete si nan dialogo tin exito. Apesar di hopi keho di e lider di PVV, Wilders, Pieter Omtzigt (NSC), Dilan Yesilgoz (VVD) y Caroline van der Plas (BB) lo permanece den parlamento.
Como lider di e partido mas grandi, Wilders tin cu nomina un persona y e hecho cu e no a haci esaki te ainda a causa inkietud den VVD, Nieuwsuur a reporta. E partido tin preocupacion cu e lo haci su nominacion na ultimo minuut, sin dialogo cu e otro partidonan, di manera cu el a haci ora di nomina lider pa dialogo di formacion.
PVV no tin hopi politico cu experiencia di administracion, cual ta haci mas probabel cu Wilders lo mira pafo di su propio partido. Segun e programa actual, Wilders por ta considerando e politiconan y ex politiconan cu un perfil derechista manera Fred Teeven di VVD of Marco Pastors di JA21.
E persona cu keda nomina lo mester lidia cu varios crisis masivo y andando, manera cambio di clima, e escasez di vivienda, e mercado di labor y gueranan andando na Ucrania y Medio Oriento ademas di media cu personalidadnan fuerte manera Wilders y Omtzigt.
“Esaki ta dicon mi ta kere cu e lo ta un persona cu experiencia politico y no un experto di fuera di politica,” VVD su Henk Kamp a conta AD, firmemente agregando cu e no ta disponibel pa e posicion. “E ta hopi importante pa bo sa con un gabinete ta traha, Tweede Kamer, varios relacion, bo lo mester tin caracter fuerte y wanta hopi.”
