(AP) – Un audiencia inicial pa e cantante Morgan Wallen a keda posponi te augustus den un caso unda e ta acusa di tira un stoel for di dak di un bar y casi dal dos oficial.
Wallen su abogado, Worrick Robinson, a conta reporteronan cu e caso ta “hopi complica” y a priminti cu e cantante, ken a nenga su derecho di ta presente diabierna, lo ta na e audiencia dia 15 di augustus. “Mi ta kere cu generalmente tur hende ta gana si bo logra resolve tur cos di un manera cu tur hende por biba cune,” Robinson a bisa.
E cantante di “One Thing at a Time” a ser acusa cu 3 caso di pone hende den peliger y un acusacion di mal conducta.
Segun un affidavit di e aresto, e stoel cu Wallen a tira for di e dak na Chief’s bar dia 7 di april a cay mas o menos un meter leu di e oficialnan, ken a papia cu e testigonan y a revisa e imagennan di seguridad. Testigonan a conta oficialnan cu nan a mira Wallen coy un stoel, tira esaki y hari.
