(Snowboarder) – Fin di luna pasa, A.T.A. a anuncia cu Aruba a scoge cinco-biaha Olimpico, Shaun White como anfitrion pa un sorto nobo di weganan di berano, esta e Relaxathon – y un biahero cu suerte ta bay gana un biahe pa dos persona na nos isla pa participa den esaki.
Dia 13 di juni, Shaun White ta bay ta anfitrion di e prome competencia di relahamento den Caribe, unda e “relaxers” ta bay competi na Aruba pa e titulo di “World’s Greatest Relaxer” cu oportunidad pa gana tremendo premio.
Te cu dia 10 di mei, hende cu tin speransa pa participa den Relaxathon por bishita aruba.com/relaxathon pa participa pa e oportunidad pa gana un biahe pa dos persona, di 4 anochi y 5 dia pa bin Aruba y participa den e competencia. Lo unico cu nan mester haci ta splica pakico nan mester di relaha.
Tocante e competencia, a splica cu dia 13 di juni, 100 persona for di henter mundo ta bay competi contra otro den un competencia di 60 minuut pa relaha, verifica pa ciencia. Tin oportunidad pa gana pakete di premio oro, silver y brons.
