Diadomingo awo, dia 5 di mei, fundacion pa rescate di pushi, Nine Lives Aruba Foundation ta bay tene su famoso garage sale pa recauda fondo pa e bon causa.
E garage sale ta bay tuma lugar na e fundacion, na Jaburibari 8B, di 10or di mainta pa 2or di atardi. Ta bay tin diferente articulo na benta na un tremendo prijs, manera paña, sapato, articulo pa hogar, muebles, co’i hunga, mata, y hopi mas!
Sostene organisacionnan local, apoya un bon causa, y bin busca articulonan na un bon prijs na e garage sale di Nine Lives Aruba Foundation.
