(AP) — Adrian Newey, e diseñador kende tabata un figura clave den e dominio di Red Bull den Formula Uno, ta bay retira proximo aña, e team a bisa ayera.
Newey, 65, ta bay termina su carera di casi dos decada cu Red Bull den e “prome kwartaal di 2025.”
“Pa casi dos decada tabata mi gran honor pa a hunga un rol clave den e progreso di Red Bull Racing for di recien yega te bira un team ganador di varios titulo,” el a bisa. “Sinembargo, mi ta sinti cu awo ta un momento oportuno pa entrega e baton aki na otronan y busca retonan nobo pa mi mes.”
Newey a join Red Bull na 2006 y a yuda e team gana siete titulo di piloto – incluyendo e ultimo tres temporada pa campeon defensor Max Verstappen – y seis titulo di constructor.
Red Bull a bisa cu su Chief Technical Officer lo ta retirando for di diseño di F1 y ta bay enfoca riba su prome hypercar, e RB17.
“Tur nos momentonan grandi di ultimo 20 aña a bin cu man di Adrian riba e tiller tecnico,” director di team Red Bull, Christian Horner a bisa. “Pa mi, ora Adrian a join Red Bull ya e tabata un diseñador super strea. Dos decada y 13 campeonato despues, e ta bay como un berdadero leyenda. E tambe ta mi amigo y un persona na ken mi ta bay ta eternamente gradici pa tur loke el a trece na nos partnership.”
Noticia di retiro di Newey por duna impulso na un guera di oferta pa su servicio. Como cu Newey ta liber pa join otro team ora e bandona Red Bull, esaki ta habri caminda pa e tin un impacto riba auto 2026 pa cualkier team cu e join. E proximo cambio mayor den regulacion ta programa pa 2026, y tin Newey abordo lo por duna su proximo dunador di trabao un bentaha significante.
Retiro di Newey ta yega despues di acusacionnan contra Horner pa “comportamento inapropia” di un empleado femenino. Compania mama di Red Bull, GmbH, a exhonera Horner y semper a rechasa e acusacion.
