(AP)—E U.S. Food and Drug Administration (FDA) a bisa diamars cu muestranan di lechi pasteurisa a test positivo pa restonan di e virus aviar cu a infecta bacanan di lechi. E agencia a subraya cu e material ta inactivo y cu e descubrimentonan “no ta representa virus actual cu por ta un riesgo pa consumidornan.” Oficialnan a agrega cu nan ta sigui studia e asunto.
“Te awo, nos no a mira nada cu lo cambia nos evaluacion cu e lechi comercial ta safe,” e FDA a bisa den un declaracion. E anuncio a bin na comienso di luna despues cu un virus di influenza aviar cu a infecta miyones di parha salvahe y domestico den e ultimo añanan a ser detecta den bacanan di lechi den al menos ocho estado na Merca. E departamento di agricultura USDA ta bisa cu 33 rebaño a ser infecta te dia di awe.
Oficialnan di FDA no a indica con hopi muestra nan a test y unda nan a obtene esakinan. E agencia ta evaluando lechi durante procesamento y for di supermercadonan, e oficialnan a bisa. Resultadonan di testnan adicional lo drenta “den e proximo par dianan of simannan.”
E PCR test di laboratorio cu e FDA a usa lo por a detecta material genetico cu ta infeccioso hasta despues cu e virus muri pa via di pasteurisacion, of tratamento cu calor, segun Lee-Ann Jaykus, un microbiologo y virologo na North Carolina State University.
“No tin ningun evidencia pa data cu esaki ta un virus infeccioso y cu e FDA lo update riba esaki,” Jaykus a bisa. Oficialnan cu e FDA y e USDA a bisa previamente cu lechi for di cria infecta no ta drenta den suministro comercial. Lechi for di animalnan malo mester ser destrui. Regulacionnan federal ta rekeri lechi cu drenta comercio interestatal pa ta pasteurisa.
Pasobra e deteccion di e virus aviar conoci como Type A H5N1 den lechi di cria ta nobo y e situacion ta evolucionando, no tin ningun estudio completo riba e efectonan di pasteurisacion riba e virus, e oficialnan di FDA a bisa. Pero investigacion den pasado ta mustra cu pasteurisacion tin “hopi chens” desactiva virusnan sensitivo na calor manera H5N1, e agencia a agrega.
Matt Herrick, un vocero pa e International Dairy Food Association, a bisa cu e tempo y regulacionnan di temperatura pa pasteurisacion ta sigura cu e lechi comercial ta Merca ta safe. Restonan di e virus “tin cero impacto riba salud di hende,” el a skirbi den un e-mail.
Cientificonan a confirma e presencia di e virus H5N1 den bacanan domestico na maart despues di algun siman di reportahenan cu bacanan na Texas ta sufriendo for di un malesa misterioso. E bacanan tabata letargico y a mira un reduccion drastico den produccion di lechi. Aunke e virus H5N1 ta letal pa galiña comercial, mayoria cria infecta ta recupera dentro di dos siman, expertonan a bisa.
