Fonds Voor Cultuur Participatie ta duna imput na personanan pa nan involucra nan mes di manera activo cu cultura, nan ta apoya iniciativanan den tur e Reino Hulandes, na scolnan, den e tempo liber y den tur disciplina.

Un fondo di cultura di Reino cu tin e mision pa haci arte y cultura accesibel pa tur hende den Reino Hulandes, unda ta inclui Hulanda, Aruba, Boneiro, Corsou, Sint Maarten, Sint Eustatius y Saba, nan kier haci esaki pa contribui di un forma financiero na proyectonan y iniciativanan cu ta stimula e participacion cultural di participantenan.

E Fondo pa Participacion Cultural tin un regla adicional vigente for di 1 di juli 2023 te cu 1 di juli 2024. E areglo aki ta pa actividadnan y iniciativanan cu ta contribui na conmemora y celebra abolicion di sclavitud y/o cu por duna un contribucion na conocemento y sensibilidad di pasado di sclavitud y su impacto den presente.

Riba 1 di juli 2023 tabata 150 aña pasa cu e sclavitud a ser aboli pa lei na Surinam y e islanan di Caribe, cu na e momento tabata colonianan di e Reino Hulandes. E pasado di sclavitud ta un parti doloroso, importante y te recientemente subestima di nos historia comparti. For di 1 di juli 2023 te cu 1 di juli 2024, atencion extra ta ser dedica na esaki den henter e Reino durante e Aña di Conmemoracion di Historia di Sclavitud.

1 di juli pero di aña 1863, a aboli sclavitud pa ley na Surinam y islanan di Caribe, y tambe na colonianan di Reino Hulandes. Un parti grandi di esclavonan mester a traha na plantacionnan durante 10 aña mas. Esaki bao supervision estatal na unda mester a limita e daño di e medida aki pa propietarionan di e plantacion, pa e motibo ey, pa hopi hende, sclavitud a caba den Reino na epoca di 1873, 1 di juli di 2023 a cumpli 150 aña.

Pa e motibo aki, cualkier persona den Reino Hulandes cu kier organisa un actividad den Aña Conmemorativo por solicita pa un subsidio, esaki ta posibel hasta 1 di juli 2024, e tipo di subsidio ta basa den actividadnan den cual e participantenan ta haci enfasis den e parti di historia y sclavitud, cu material educativo, e procesonan di curacion cu ta promoviendo y tambe por tin cooperacion entre institucionnan.

Pa e proyectonan cu ta wordo apoya, tin un condicion cu e comunidad(nan) mes mester ta e solicitante principal. Ta importante cu nan tin algo di bisa tocante e diseño, organisacion y implementacion di e proyecto.

Nan ta tuma e iniciativa den e implementacion. E solicitante tambe por colabora cu, por ehempel, organisacionnan cultural, institucionnan cultural o institucionnan educativo. Esaki tambe por ta un colaboracion cu un organisacion den exterior via, por ehempel, reunionnan online, via un rapport o intercambio y e aplicacion di formanan di colaboracion entre e distinto organisacionnan.

Varios proyecto ya a haya sosten di nan parti caba, asina Baba Awokose ta amplia conocemento y conscientisacion tocante e pasado di sclavitud di Corsou cu baile, musica y ritualnan. Durante Indian History Month x Keti Koti Maand, mesanan di dialogo y podcast ta crea conexion entre dos comunidad cu a separa door di e pasado di sclavitud y colonial. E proyecto No Reparations without Education ta organisa entre otro charlanan, sesionnan di dialogo, encuentronan rond di mesa y sesionnan di sanacion pa saca e topico di ‘reparations’ o sea pagamento di reparacion for di e esfera di tabu. Y fundacion Caribbean Angels ta organisa durante e aña di conmemoracion seis encuentro tematico pa publico y alumnonan di scolnan Hulandes den Den Haag. Esaki nan ta inclui, entre otro, Ocho Dia, un ritual di entiero di Corsou en honor di e antepasadonan, un cafe literario rond di e luchado pa libertad Tula y un presentacion di hoben Antiano tocante nan identidad.

Pa por haci un peticion pa subsidio pa proyectonan cu ta duna contribucion na un of mas di e siguiente efectonan:

Efecto a: yega na gruponan di obhetivo nobo;
Efecto b: construi conexionnan duradero o rednan di comunidadnan;
Efecto c: participantenan ta desaroya varios perspectiva tocante e historia di sclavitud;
Efecto d: participantenan ta usa e conocemento tocante sclavitud como fuente di material pa experimenta e cultura;
Efecto e: comunidadnan ta aumenta nan auto-suficiencia;
Efecto f: promove e proceso di curacion di parti di e participantenan di e comunidadnan .

Dependiendo di e cantidad di efectonan na cua un proyecto ta contribui, por haci peticion pa subsidio den tres categoria. Pa locual ta trata e categorianan, lo siguiente ta aplicabel:

*Proyectonan di categoria 1 tin como obhetivo por lo menos un efecto, e altura di e subsidio ta di por lo menos € 1,000 y como maximo € 5,000 €;

*Proyectonan di categoria 2 tin como obhetivo por lo menos dos efecto, e altura di e subsidio ta mas cu € 5,000 y menos cu € 25,000 €;

*Proyectonan di categoria 3 tin como obhetivo por lo menos tres efecto, e altura di e subsidio ta di por lo menos € 25,000 y como maximo € 50,000 €;

Pa e motibo aki, participacion cultural ta nifica pa ta activo den arte y cultura. No ta importa e diversidad di manifestacionnan cultural, tur tin un algo den comun: hende ta experimenta e cultura di forma pasivo, nan ta haci, desaroya y crea cultura hunto.

Pa haya mas informacion di esaki, por bishita e website www.cultuurparticipatie.nl