(AP) – Si e decision ta entre morto of un tiro den pia, Yevgeny lo tuma e tiro. Un heroe decora di Rusia su guera na Ucrania a bisa su amigo y colega soldaat pa please tin un bon punteria y evita su wesonan.
E dolor cu a sigui ta e prijs cu Yevgeny a paga pa un chens nobo di bida. Di mesun manera cu miles otro soldaat Ruso, el a sali for di ehercito. “Mi ta bisa e joke cu mi a duna luz na mi mes,” el a comenta. “Ora un hende muhe duna luz na un mucha, e ta experiencia un dolor hopi intenso y ta trece un bida nobo mundo. Mi a duna mi mes un bida despues di pasa door di un dolor hopi intenso.”
Yevgeny a logra sali di e puntonan mas abao. Sinembargo e bida nobo cu el a haya no ta algo cu el a spera.
The Associated Press a papia cu 5 oficial y un soldaat cu a sali for di e ehercito Ruso. Tur tin caso criminal den nan contra na Rusia, unda nan ta enfrenta 10 aña of mas den prizon. Cada un ta wardando un bon bini den West cu nunca a yega. Na luga di esaki, tur menos un ta biba scondi.
Pa nacionnan cu ta luchando cu Rusia su diaspora cu ta keda crece, soldaatnan Ruso ta presenta un preocupacion particular: Nan ta spion? Criminalnan di guera? Of Heroe?
En general, e solicitacionnan di asilo pa ciudadanonan Ruso a aumenta desde e invasion di escala grandi pero tiki ta ricibiendo e proteccion. Creadornan di politica a permanece dividi si nan mester considera Rusonan den exilio como un beneficio of un riesgo na e siguridad nacional.
Andrius Kubilius, un ex Prome Minister di Lithuania cu ta forma parti di e Parlamento Europeo ta argumenta cu cultiva Rusonan cu ta den oposicion di Vladimir Putin ta den e bienestar propio strategico di e Occidente. Menos soldaat Ruso den e bataya ta nifica un ehercito mas debil.
“No kere den e democracia Ruso ta un eror,” Kubilius a bisa. “Pa bisa cu tur Ruso ta culpabel ta un eror.”
Candidadnan record di persona ta buscando sali for d e guera, mas di 500 den e prome luna di e aña aki ta contactando “Get Lost”, un grupo opera pa activistanan Ruso den Republic of Georgia. Temporada ultimo, solamente 3 porciento di e peticionnan pa ayudo a bini for di soldaatnan cu ta busca bay; den januari, un tercer parti a haci esaki, segun e grupo su lider Grigory Sverdlin. E cantidadnan di e soldaatnan cu a retira por ta chikito compara cu Rusia su forsa di trupa general, pero tambe ta un indicador di moral.
“Obviamente, e propaganda Ruso ta purbando di bende nos un storia cu henter Rusia ta sostene Putin y su guera,” Sverdlin a bisa. “Pero esaki no ta berdad.”
E pregunta ta bira, unda nan por bay?
Oficialnan Aleman a bisa cu Rusonan cu huy for di e servicio militar por busca proteccion y un corte Frances zomer ultimo a declara cu Rusonan cu nenga por ricibi status di refugiado. Den practica, esaki ta comproba di ta dificil, cu mayoria di e personana cu huy tin passport cu por permiti biahe solamente dentro di un cantidaddi chikito di estadonan cu tabata Sovietico, pa ricibi asilo, abogadonan, activistanan y esunnan cu huy a bisa.
Menos di 300 Ruso a ricibi status di refugiado na Merca den e aña fiscal di 2022. Oficialnan di Aduana a encontra cu mas di 57,000 Ruso na fronteranan di Merca den e aña fiscal di 2023, cual ta un aumento di e 13,000 den aña 2021.
Na Francia, solicitantenan di asilo a aumenta mas di 50% entre 2022 y 2023, un total di 3,400 persona, segun e oficina Frances cu ta lidia cu e peticionnan. Y ultimo aña, Alemania a ricibi 7,663 aplicacionnan pa prome biaha for di ciudadaonan Ruso, cual ta un aumento di e 2,851, Alemania su Ministerio di Interior a conta AP den un email. Ningun di e data a specifica cuanto di nan tabata soldaat.
Mientras nan ta conta e dianan te cu nan derecho legal di keda na KAzakhstan caba, Yevgeny, y e otronan, ta mira con e otronan ta ser gara pa forsanan Ruso na Armenia, deporta for di Kazakhstan y ta aparece morto, yen di bala, na Spaña.
“No tin mecanismo pa Rusonan cu no kier pleita, pa yega un luga safe,” Yevgeny a comenta. E ta urgi e legisladornan pa reconsidera. “Na final di dia, e ta hopi mas cheap economicamente pa permiti un persona drenta bo pais, un homber saludabel cu por traha, na luga di provee Ucrania cu arma.”
