(JamaicaObserver) – Recycling Partners of Jamaica (RPJ) a logra un record nobo di 253 miyon dollar den pago pa debolbe boter di plastic den luna di februari, danki na su inversion continuo den su capacidadnan logistico y di procesamento.

Durante e ultimo cinco aña, RPJ a intensifica su campaña di marketing. Na mesun momento, nan a traha den reforsa nan relacion cu nan partnernan y a amplia nan depositonan pa shete, cubriendo e districtonan di Kingston, St. Thomas, St. James, Westmoreland, St Catherine, Trelawny, y St Ann.

E ultimo proyecto di nan tabata e expansion di e facilidad di reciclahe di plastic na Naggo Head, Portmore, St. Catherine.

En general, RPJ kier aumenta e cantidad di bebida di plastic y boternan mas limpi for di e volumen actual di mas o menos 33 porciento of algun 280 miyon boter pa 50 porciento paden di un aña.

E ta paga un incentivo di 50 dollar pa kilogram pa boter cu nan haya sinembargo, RPJ a colecta 20 cent di plastic pa medio di donacion. Te aworaki, nan a mira progreso stabiel.

“E cifra di februari ta e mas halto cu nos a reporta… Nos ta colectando aworaki 2.4 biaha mas hopi e volumen di boternan cu nos a colecta un aña pasa; pero ta importante pa tene na cuenta cu e mercado di retail pa bebida y limpiesa ta sigui crece, asina e porcentahe cu aumenta ta riba un denominador mas halto,” presidente di RPJ Dr. Damien King a bisa na Observer Online.

RPJ ta un organisacion di produccion prolonga y e entidad designa pa reciclahe nacional, forma pa partnernan publico y priva cu Gobierno di Jamaica.

Su meta ultimo ta pa elimina 80% di e boternan di plastic den comercio for di e ambiente cu, den parti, RPJ lo involucra cu diferente parti interesa riba desviacion di boter di plastic for di tereno di dump.

“Nos ta consciente di e hecho cu mientras nos ta colectando 1/3 di e boternan den e mercado, esaki nifica cu 2/3 ta keda ainda. Ademas, e mercado ta crece asina ta nos sa cu nos mester sigui cu nos tasa agresivo di expansion di capacidad y logistica si nos kier sigui acerca na e meta cu ta cu ta keda cambia,” el a bisa.

Dr. King ta bisa cu e organisacion tin plan pa instala mas mashin di paketa na su depositonan. E ekipo lo comprimi y uni e material di reciclahe, haciendo esaki mas facil pa transporta.

RPJ lo habri tambe dos deposito mas, uno den e districto di Manchester y e otro na St. Elizabeth, prome cu final di e aña. Dr. King a bisa cu e deposito na Montego Bay ta programa tambe pa un actualisacion grandi. RPJ actualmente tin acceso na 31 truck y 500 haula pa boter di reciclahe na henter e isla.