April ta e luna di conscientisacion contra uso di alcohol e cual ta e substancia adictivo mas utilisa na Merca caminda 15.1 miyon persona na mundo tin un diagnostico di trastorno pa consumo di alcohol.
Trastorno pa consumo di alcohol ta un condicion medico cu ta usa ora e bebida di e pashent ta causa daño of angustia, e trastorno pa consumo di alcohol ta e di tres causa principal di morto den estilo di bida.
Alcohol ta conecta cu mas di 60 condicion medico, e daño cu alcohol ta ocasiona ta bay mas leu cu e higra. E uso di alcohol por tin consecuencia na corto plaso manera intoxicacion, mareamento, sacamento y vision wazig. E uzo excesivo di alcohol por tin consecuencia na largo plaso, por causa presion halto, e por ocasiona diabetes, cancer y depresion.
Bebe alcohol excesivo lo perhudica salud y bira dependiente di alcohol lo destrui e persona y su famia. Abuso di alcohol por ta causa di morto.
Ni un tipo di alcohol ta mas sigur cu otro, tur alcohol tin e mesun efecto den e persona y den su curpa, e cantidad cu e ta bebe ta hopi importante.
Alcohol ta afecta tur area di curpa, ta afecta sistema nervioso central, ta absorbe di un manera lihe den stoma y intestino delgado y ta metabolisa den e higra. Algun di e efectonan den curpa ta inclui: Sistema nervioso central: falta di coordinacion, confusion, memoria, huicio y tuma di decisionnan, cirrosis hepatico y den hende muhe na estado, alcohol ta causa efecto den e desaroyo di e feto.
Por lo tanto, hopi hende na Aruba por bisa cu alcohol ta un parti integral di nan bida, mayoria di restaurant ta bende cerbes, biña, rum, entre otro y pa mayoria di hende, uso di alcohol cu moderacion no ta un problema, sinembargo, alcohol ta un problema berdadero pa un number grandi di persona rond di mundo.
Casi 88.000 persona ta muri pa aña pa un causa relaciona cu alcohol na Merca, lo cual ta haci cu alcohol ta e di cuater causa principal di morto cu por wordo preveni na Merca, segun estadisticonan federal.
E uso problematico di dje tambe ta aumenta riesgo den otro condicionnan medico manera problemanan di curason, obesidad, riñon, entre otro.
Mientras cu hopi famia a wordo afecta di un manera of otro pa uso excesivo di alcohol, tin speransa. Awendia mas cu nunca, personanan cu trastorno di consumo di alcohol ta ricibi tratamento di clase mundial basa den evidencia. Hopi medico ta siñando con identifica e problemanan di alcohol den nan pashentnan di manera trempan, usando hermentnan di deteccion.
