E aña aki e Panamerican Draughts Confederation lo tene nan torneo di dam pa Las Americas den e periodo di 5 pa 13 di April. Esaki lo tuma luga na San Jose na Costa Rica. Hungadonan di Latino America, Caribe, y America Central por manda nan representantenan pa e torneo aki. Cada pais por manda 3 representante.
Pa Aruba, nos lo manda e promer 3 nan cu a termina mas halto den e torneo di dam nacional di anja pasa. Nan ta Henry Knepa, Juan E. Nisbet y Octavio Croes. Hunto cu e 3 hungadonan, e vice presidente y tesorero di PAMDCC (Panamerican Draughts and Checkers Confederation) lo biaha mañan 4 April pa 13:18 pa San Jose, Costa Rica.
E promer wega lo start día 5 di April y nan lo bolbe Aruba diasabra dia 13 di April.
Nos ta desea nos hungadonan hopi exito aya na Costa Rica.
