Diasabra despues di 4or di atardi, Central di Polis ta dirigi patruya di Noord, ambulance y Trafico cu maximo urgencia pa un accidente pisa na altura di e supermercado NG y e restaurant Yen Yen situa na Kamay.
Na yegada di e prome unidad ta mira dos auto involucra den e accident. Un auto marca Nissan, modelo Almera color shinishi numera A-24490 y un Honda, modelo CRV, color cora numera A-52927.
Lamentablemente mucho mas ambulance no por a haci pa e chauffeur involucra den e accident. Pa 5’or Dr. Texier ta constata morto di e cabayero Marco Marceliano Tromp, naci na Aruba dia 17 juni 1943 di 80 aña di edad. Slachtofferhulp, BFTO, specialisa di trafico tambe a bin na e sitio di accidente pa haci nan investigacion y brinda sosten.
Esaki ta bira e di tres morto den trafico pa aña 2024. Un mensahe pa tur automobilista pa maneha trankil, comporta y sigui reglanan di trafico. Cuerpo Policial Aruba y Bon Dia Aruba ta manda palabranan di condolencia pa e famia di e fayecido.
