(CuracaoChronicle)—Den un carta habri, lidernan di comunidadnan Cristian na Corsou, Aruba y Sint Maarten a pidi urgentemente e Corte Supremo pa anula e huicio di e Corte di Apelacion na Willemstad, cual a legalias matrimonio homosexual na Corsou y Aruba.

E carta, firma pa Said Flores, presidente di e Asosashon Pastornan di Korsou (APK). Gilberto Martes, presidente di Iglesianan Cristian di Aruba (ICA) y Orlando Wilson, presidente di Sint Martin United Ministerial Foundation, ta aboga pa laga e tumando di decision riba e asunto sensitivo aki pa e parlamentarionan di cada isla.

Legislacion local

E lidernan Cristian a subraya varios base moral y legal pakico e huicio di dia 6 di december 2022, cual ta bisa cu matrimonio di mesun sexo ta equivalente na matrimonio heterosexual y p’esey no por ser considera discriminatorio, lo ta den conflicto di ambos legislacion legal y tratonan internacional. Nan a enfatisa cu e codigonan civil di Corsou, Aruba y Sint Maarten ta bisa explicitamente cu matrimonio ta existi solamente entre un hende homber y un hende muhe.

E lidernan Cristian tambe no a menciona nan mesun constitucion estatal, cual ta prohibi discriminacion, incluyendo basa riba orientacion sexual. E corte a confirma dia 6 di december 2022, cu en berdad tin discriminacion y cu no tin ningun hustificacion pa exclui matrimonio di mesun sexo.

Den e carta di e lidernan Cristian, nan a argumenta cu e aceptacion creciente di homosexualidad den Europa no a resulta den legislacion obligatorio di matrimonio di mesun pa e Corte Europeo di Derecho Humano (ECHR). E organisacionnan tambe ta bisa cu un di e motibonan pakico problemanan di salud mental ta asina halto entre hendenan homosexual por ser haya den e realidad cu hende tin un consciencia duna pa Dios den cual e reconocemento di bon y malo ta registra den e alma. Segun nan, homosexualidad ta un violacion di e ley interno di Dios, p’esey esnan envolvi ta experencia desorden mental.

E escritornan di e carta ta argumenta cu e decision pa legalisa matrimonio di mesun sexo ta rekeri un debate societal y ta principalmente un decision cu mester ser tuma pa e representantenan di e pueblo den e parlamentonan di Corsou y Aruba.

Division

E peticion na e Corte Supremo ta subraya e division riba e topico dentro di e comunidadnan di e isla y e necesidad di un discusion politico y societal mas amplio, al menos segun e lidernan Cristian. Cu nan apelacion, e lidernan ta spera pa pone un precedencia cu ta respeta ambos e legislacion local y e balornan sociocultural di Corsou y Aruba.

Hasta e misanan ta dividi riba e asunto aki. E Asociacion di Misanan Protestant na Corsou (VPG) no ta parti di APK. E ideologia fundamentalista riba homosexualidad di e pastoornan no ta ser promove pa tur misa na Corsou.