(NLTimes) – E cantidad di studiantenan di educacion secundario cu ricibi u suspension of ser saca for di scol a causa di mal conducta contra docentenan of otro empleadonan a aumenta significantemente. Den e aña escolar pasa, e cantidad di studiantenan suspendi of expulsa a subi mas halto cu e nivelnan prome cu e pandemia den e pais y na tur nivel di educacion segun loke RTL Nieuws a reporta.
Durante e pandemia di coronavirus, tabatin un disminucion significante riba e cantidad di suspension y expulsion for di scolnan. E disminucion aki a ser completamente descarta e aña escolar cu a caba di pasa. Mayoria problema a tuma luga den educacion secundario. Den VMBO-Kader, 410 studiante a ser suspendi of expulsa den e aña escolar, compara cu 301 prome cu e pandemia. Den VMBO-Basis, e cantidad aki a aumenta di 393 pa 402.
E docentenan a ripara e aumento aki. RTL a papia cu 350 miembro di e sindicato CNV Education y 200 a bisa cu personalmente nan a enfrenta mal conducta di studiantenan, mayoria di nan den forma di insulto y menasa. Algun docente a bisa cu e studiantenan ta acosa nan den nan tempo priva, hayando nan na cas of vandalisando nan propiedad. E docentenan no ta pensa cu tin un solo motibo pa e aumento aki.
Nan ta pone e culpa riba un sociedad mas estricto y hopi mas individualisa, “e cultura di caya” y con e mayornan ta criando nan yiunan. “Mayornan hopi biaha ta hustifica e comportamento di studiante. Studiantenan no ta confronta na cas mas tocante nan comportamento na scol. De hecho, e mayornan ta bin discuti ora cu castiga nan yiunan. Ki tipo di señal bo ta mandando cu esaki?”
