Oficina Central di Estadistica ta presenta e resultadonan principal di e cifranan di Comercio Internacional di 2023.

Importacion total

Importacion total, den peso, a registra un subida di 53.7 mln. kg (8.5%) na 2023 (682.1 mln. kg), compara cu 2022 (628.4 mln. kg), y den balor, e importacion total a registra un subida di Afl. 113.6 mln. (4.3%), di Afl. 2,637.1 mln. pa Afl. 2,750.7 mln.

Importacion pa e area liber di Aruba* (peso)

Importacion pa e area liber di Aruba pa 2023 Aruba, den peso, a subi cu 54.3 mln. kg (8.8%) na 2023 (671.8 mln. kg) compara cu 2022 (617.5 mln. kg.) Durante 2023, diestres (13) di e bintiun (21) seccionnan, den peso, a registra subida den importacion pa e area liber di Aruba. E subidanan mas grandi por wordo observa den e seccionnan Productonan mineral” 58.2 mln. kg (17.2%), “Obranan di piedra, gips, cement of asbest” 3.4 mln. kg (14.9%) y “Ekiponan di transporte” 2.4 mln. kg (27.4%).

E caidanan por wordo mira den e seccionnan di “Productonan alimenticio” -4.3 mln. kg (-5.8%) y “Diferente tipo di articulonan fabrica” -3.9 mln. kg (-33.2%).

Importacion pa e area liber di Aruba (balor)

Importacion pa e area liber di Aruba pa 2023, den balor, a subi cu Afl. 127.6 mln. (5.1%) di Afl. 2,488.4 mln. na 2022 pa Afl. 2,616.0 mln. na 2023. Durante 2023, diesseis (16) di e bintiun (21) seccionnan, den balor, a registra subida den importacion pa e area liber di Aruba. E subidanan mas grandi por wordo observa pa e seccionnan “Ekiponan di transporte” Afl. 54.4 mln. (37.8%), “Makinaria y ekiponan electronico (nobo y renoba)” Afl. 30.6 mln. (9.2%), “Metalnan comun y trabounan deriva” Afl. 20.4 mln. (17.2%) y “Productonan alimenticio” Afl.17.2 mln. (5.2%).

E caidanan mas grandi por wordo mira den e seccionnan primeramente “Animalnan bibo y otro productonan di origen di animal” Afl. -13.8 mln. (-5.8%) y “Diferente tipo di articulonan fabrica” Afl. -12.6 mln. (-8.9%).

Importacion pa e area di Zona Franca di Aruba

Importacion pa e area di Zona Franca di Aruba, den peso, a registra un caida di 0.6 mln. kg (-5.8%) di 10.9 mln. kg na 2022 pa 10.3 mln. kg na 2023, e caida mas grandi por wordo observa pa e seccion “Productonan alimenticio” -0.8 mln. kg (-7.0%). Den balor, el a cay cu Afl. -14.0 mln. (-9.4%) di Afl. 148.7 mln. na 2022 pa Afl. 134.7 mln. na 2023, e caida mas grandi por wordo observa den e seccion “Productonan alimenticio” Afl. -15.1 mln. (-10.3%).

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tawata tin e siguiente efectonan:

Importacion pa e area liber di Aruba via Lama

Importacion por medio di Lama pa e area liber di Aruba, den peso, a registra un subida di 54.7 mln. kg (8.9%) di 613.0 mln. kg na 2022 pa 667.7 mln. kg na 2023, e subida mas grandi por wordo observa den e seccion “Productonan mineral” 58.2 mln. kg (17.2%).

Den balor, el a subi cu Afl. 118.4 mln. (5.8%) di Afl. 2,058.6 mln. na 2022 pa Afl. 2,177.1 mln. na 2023, e subidanan mas grandi por wordo observa pa e seccionnan “Ekiponan di transporte” Afl. 54.2 mln. (39.0%) y “Makinaria y ekiponan electronico (nobo y renoba)” Afl. 34.9 mln. (12.9%).

Importacion pa e area liber di Aruba via Aire

Importacion via aire pa e area liber di Aruba, den peso, a registra un caida di 0.4 mln. kg (-9.1%) di 4.5 mln. kg na 2022 pa 4.1 mln. kg na 2023. E caida mas grandi por wordo observa den e seccion “Productonan kimico” -0.2 mln. kg (-31.2%).

Den balor, el a subi cu Afl. 9.2 mln. (2.1%) di Afl. 429.7 mln. na 2022 pa Afl. 438.9 mln. na 2023. E subida mas grandi por wordo observa den e seccion “Perlanan real y otro tipo di piedranan precioso” Afl. 9.8 mln. (11.1%).

Importacion pa e area liber di Aruba pa “Companianan grandi”

Importacion pa “Companianan grandi”, den peso, a cay cu 1.4 mln. kg (-1.5%) di 95.7 mln. kg na 2022 pa 94.3 mln. kg na 2023. E caida mas grandi por wordo observa den e seccion “Productonan mineral” -2.0 mln. kg (-2.1%).

Den balor, el a subi cu Afl. 13.9 mln. (5.4%) di Afl. 257.1 mln. na 2022 pa Afl. 270.9 mln. na 2023. E subida mas grandi por wordo observa den e seccion “Makinaria y ekiponan electronico (nobo y renoba)” Afl. 18.7 mln. (32.4%).

Exportacion total

Exportacion total di Aruba, den peso, a registra un subida di 1.0 mln. kg (3.5%) na 2023 (31.0 mln. kg) compara cu 2022 (30.0 mln. kg), mientras, den balor, el a subi cu Afl. 11.1 mln. (5.9%), di Afl. 187.6 mln. pa Afl. 198.7 mln.

Exportacion for di area liber di Aruba (peso)

Exportacion for di e area liber di Aruba, den peso, a registra un subida di 0.5 mln. kg (2.4%) na 2023 (21.5 mln. kg) compara cu 2022 (21.0 mln. kg). Durante 2023, siete (7) di e bintiun (21) seccionnan, den peso, a registra subida den e exportacion for di area liber di Aruba. E subida mas grandi por wordo observa den e seccion “Productonan alimenticio” 1.6 mln. kg (69.7%). E caidanan mas grandi por wordo mira den e seccionnan “Obranan di piedra, gips, cement of asbest” -0.7 mln. kg (-78.1%) y “Metalnan comun y trabounan deriva” -0.4 mln. kg (-4.5%).

Exportacion total for di area liber di Aruba (balor)

Exportacion for di e area liber di Aruba, den balor, a registra un subida di Afl. 5.7 mln. (8.4%) di (Afl. 67.9) na 2022 pa (Afl. 73.6 mln.) na 2023. Durante 2023, diescinco (15) di e bintiun (21) seccionnan, den balor, a registra subida den e exportacion for di area liber di Aruba. E subidanan mas grandi por wordo observa den e seccionnan “Productonan alimenticio” Afl. 2.9 mln. (72.7%), “Metalnan comun y trabounan deriva)” Afl. 2.4 mln. (17.4%) y “Perlanan real y otro tipo di piedranan precioso” Afl. 1.7 mln. (13.0%).

E caidanan mas grandi por wordo mira den e seccionnan “Makinaria y ekiponan electronico (nobo y renoba)” Afl. -3.3 mln. (-37.9%) y “Productonan kimico” Afl. -1.7 mln. (-25.9).

Exportacion for di e area di Zona Franca di Aruba (peso)

Exportacion for di e area di Zona Franca di Aruba, den peso, a registra un subida di 0.5 mln. kg (6.0%) na 2023 (9.6 mln. kg) compara cu 2022 (9.0 mln. kg). E subida mas grandi por wordo observa pa e seccion “Productonan alimenticio” 0.5 mln. kg (6.1%). Den balor, el a subi cu Afl. 5.4 mln. (4.5%) di Afl. 119.7 pa Afl. 125.0 mln. E subida mas grandi por wordo observa pa e seccion “Productonan alimenticio” Afl. 5.5 mln. (4.6%).