(CiberCuba) – Un mama Cubano ta denuncia cu su yiu muhe, di 15 aña, a wordo viola pa e subdirector di e scol Politécnico Panchito Gómez Toro, di Holguín, unda e mucha muhe tabata bay, kende tin un edad mental diagnostica di 10 aña.

E sucesonan ta bay back na 7 di september ultimo ora cu e homber, usando su autoridad, a hiba e mucha muhe, pa 7:00 am, den un klas situa riba e di cuater piso di e scol, a cera e porta cu un candal y a tene relacion sexual cu e menor sin su consentimento ya cu e mucha muhe tabata kier sali for di e klas y e subdirector no a permiti esaki. Sinembargo, husticia Cubano ta comprende cu si e no a grita, e no ta un violacion si no un delito menor.

E mama ta den desesperacion pasobra e fiscal Alvaro Wilfredo Sanchez Dominguez a desestima e peticion pa prizon preventivo pa e acusado Miguel Antonio R. S., haci pa e defensa di e victima. E defensa ta defende cu si ta trata di un violacion pasobra shete dia despues di e sucesonan, dokternan ainda a detecta señalnan di violencia den e mucha muhe. Ta sucede cu e mucha muhe ainda tabata señorita den momento cu e subdirector a cer’e den e klas.

Segun e mama di e yiu, e proceso hudicial ta corupto pasobra e mesun casa di e subdirector di e scol ta sigura cu esaki tin un ruman muhe di e Seguridad di Estado na Holguin. Pe e desilucion ta grandi pasobra e ta bisa cu nan ta pertenece na “un generacion unda e proteccion di un menor di edad tabata prioridad, unda nos tabata kere cu husticia tabata existi y cu si bo bira victima di un caso di mala suerte, por acudi na Estado pa proteccion. Mi tabata di e generacion ey”, el a bisa den un carta manda na CiberCuba.

“Awe mi a realisa cu e diferencia entre un violacion sexual of no, entre edadnan di 12 pa 18 aña, ta depende di un palabra so: consentimento. Awe mi ta sinti mi desampara, frustra, pero no venci”, el a agrega den su carta.

E tin dolor tambe pasobra “e funcionarionan na ken nos a deposita confiansa pa haci hustisia y control, ta yen di prehuicio y insensibilidad y ta pura pa termina y aumenta un statistica”. Na e punto aki el a conta e experiencia desagradabel cu su yiu a biba den e interogatorio na cual el a wordo someti pa un funcionario cu no a compronde cu e tabata haci pregunta na un mucha muhe viola y cu un grado di discapacidad. Den e entrevista, segun el splica, nan a obliga su yiu pa contesta cu un si of un no.

E mucha muhe, kende ta ricibi tratamento psicologico desde cu e tabatin cinco aña, pasobra e ta timido, retrai y tin “un capacidad mental reduci”, a cambia di un nochi pa otro despues di e suceso. E mama a cuminda nota cu e yiu ta drumi malo y ta papia drumi. Finalmente el a haya sa pasobra e mucha muhe a menciona esaki na un amiga di e politecnico y e amiga a bisa esaki na su mama kende, na su turno, a conta e guia base di su scol. E juffrouw aki tabata ken a yama e mama di e mucha muhe y inform’e di loke a sucede.