(AP) – Juana Bacallao, tambe conoci como Juana La Cubana, e cantante famoso Cubano y diva di cabaret cu tabata activo te cu reciente, a fayece cu 98 aña di edad.
Bacallao a fayec diasabra despues di a keda interna varios dia den hospital na Havana, segun un declaracion di Cuba su Ministerio di Cultura. E oficialnan no a bisa dicon el a keda hospitalisa.
Bacallao tabata conoci pa su bos unico y su personalidad, semper cu peluca y costume extravagante. El a duna show na e famoso club Tropicana den añanan 1940 y añanan 1950 ademas di canta banda artistanan manera Nat King Cole.
“Nunca lo mi retira. Mi lo stop solamente ora cu morto bati na mi porta,” el a bisa den un entrevista di aña 2020 cu The Associated Press. Naci como Neri Amelia Martinez Salazar, el a ser banda un scol catolico despues cu el a bira un huerfano cu 6 aña di edad. El a ser descubri como un teenager ora e tabata canta mientras e tabata limpia casnan y a ricibi e nomber “Juana Bacallao,” birando un sensacion den Cuba su escena di cabaret.
Bacallao a presenta cu celebridadnan incluyendo pianista Bola de nieve, percusionista chano Pozo y cantante Benny More.
“Mi sa kico bida ta, ambos pobresa y rikesa,’ Bacalao a conta AP mas di un decada atras. “Esaki ta mi tera. E ta unda mi a nace y unda lo mi muri.”
