Ayera Ministerio Publico mediante su vocero a informa comunidad cu esnan cu mester presenta dilanti hues pa casonan di trafico dia 29 di februari mester paga nan multa prome cu e dia ey.
Ministerio Publico ta yama hende cu a ser cita pa presenta riba 29 di februari venidero dilanti hues di trafico, pa paga prome cu e dia ey.
Pa por paga, Ministerio Publico a indica cu por haci’e di manera online via cuenta bancario number 4000905 di Arubabank bao mencion di e parketnummer. Por paga tambe na balie na Ministerio Publico despues di haci un cita via e website www.omaruba.com.
Si e persona mester presenta riba diahuebs 29 di februari, tin te diaranson 28 di februari pa paga, e citacion ta bin na caduca si e persona ta paga na tempo.
Logicamente si den caso e hende no ta de acuerdo cu e multa cu el a haya di Polis, e tin tur su derecho pa presenta esey dilanti hues y asina ey hues lo tuma un decision nobo.
Mester tene na cuenta cu fiscal di husticia lo exigi un suma mas halto riba 29 di februari y cu por pasa cu hues ta bay de acuerdo cune, segun loke Ministerio Publico ta indica.
Pa preguntanan por yama Ministerio Publico of mail na info@omaruba.aw.
