(CuraçaoChronicle) – Minister sithree van Heydoorn di Educacion a anuncia e siman aki den parlamento cu su ministerio lo implementa un plan di mehoracion di 5 aña y 260 miyon. E meta ta pa cera e buraco entre scolnan mas halto y mas abao na Corsou. E no a revela e fuente di fondo pa e iniciativa ambicioso aki.
E plan comprensivo, basa riba un evaluacion base extenso y colaboracion enter Corsou y inspeccionnan Hulandes ta priminti un restructuracion significante di e structura den organisacion. Cu e introduccion di un sistema di financiamento nobo y legislacion, e gobiernonan tin meta di combati ineficiencianan dentro di educacion y aloca mas recurso di manera mas efectivo.
Un componente clave di e plan ta digitisacion di data educacional, cu lo provee un bista mas transparente di e horizonte educacional di e isla. Sinembargo, e minister a señala na limitacionnan tecnico cu ta stroba e presentacion na parlamento cu mester a tuma luga antayera, cual ta cumpli como un recordatorio di desafionan cu te ainda mester combati.
E metodo tambe ta enfoca riba reduci e cantidad di scolnan y centralisa e programanan di estudio den respuesta na e cantidad di studiante cu ta den disminucion. Esaki ta rekeri esfuerso colectivo y colaboracion entre scolnan, cual ta trata comparti experiencia, facilidadnan y recursonan.
Pa sigura e calidad di educacion, un conferencia lo ser organisa pa establece calidad basico di rekisitonan pa scolnan. Esaki ta inclui aspectonan manera e curriculum, e habilidadnan didactico y pedagogico di e docentenan y e cuido y resultado di e studiantenan. E exito di e programa aki ta depende fuertemente riba e rol y desaroyo di docentenan, e minister a enfatisa. Un comite lo evalua y monitor e implementacion di e programa cu ambos expertonan local y internacional.
Apesar di e bista positivo di e Minister den parlamento, e no a atende e limitacionnan cu a ser identifica pa e autornan di e evaluacion base. Esaki particularmente ta aplica recomendacion den areanan manera personal cualifica, habilidadnan rekeri pa bon gobernacion y supervision y specialidadnan relaciona cu e modernisacion di e legislacion.
No tur cos por ser haci simultaneamente y e reportahe tambe ta provee guia riba ‘phasnig’ sinembargo e decisionnan final mester ser tuma pa e Minister. E autornan ta asumi cu lo tuma pasonan significante den tur e areanan menciona durante e proximo 4 aña.
