(AP)—Rusia a bisa cu su forsanan a tuma control completo di un ciudad den oost-Ucrania diasabra, cual tabata e enfoke di combate intenso pa varios luna. Esaki ta un desaroyo cu Moscu por usa pa aumenta moral como e segunda aniversario di su invasion di Ucrania ta yega cu e guera mayomente riba un paro.
E anuncio di e ministerio di defensa Ruso a bin e mesun dia cu e hefe militar di Ucrania a bisa cu e tabata retirando su tropanan for di e ciudad di Avdiivka, unda e defensornan a bringa un asalto Ruso pa cuatro luna.
Minister di defensa Ruso, Sergei Shoigu, a conta Kremlin cu forsanan Ruso tabata trahando pa derota e tiki resistencia cu a keda na e planta di coke y kimica na Avdiivka, oficialnan a bisa dne un declaracion. Videonan riba red social diasabra ta mustra soldaatnan hisando e bandera Ruso riba un di e edificionan den e planta.
Presidente Ruso, Vladimir Putin, a manda un mensahe personal di felicitacion pa su tropanan den e ciudad, segun agencia noticiero, Tass, a reporta. Vocero pa Kremlin, Dmitry Peskov a describi e captura di Avdiivka como un “victoria importante.”
Hunto cu e aniversario di e invasion dia 24 di februari, Rusia tambe ta preparando pa un eleccion presidencial na maart cu mas sigur lo duna Putin un otro termino di seis aña. Kremlin a aborda riba disentimento durante e guera, y e morto diabierna di lider di oposicion encarcela, Alexei Navalny, a silencia e bos di Putin su enemigo mas grandi den e pais.
Ucrania ta back riba defensa contra Rusia den e guera, stroba pa menos suminstracion di municion y un deficit dne personal. Papiando na e Conferencia di Seguridad na Munich diasabra, presidente Ucraniano, Volodymyr Zelenskyy, a adverti e aliadonan di su pais cu un “deficit artificial” di armanan pa Ucrania a duna Rusia espacio pa hala rosea y a permiti “pa Putin adapta na e intensidad actual di e guera.”
“Nos accionnan ta limita solamente pa…nos forsa,” Zekenskyy a bisa, puntando na e situacion na Avdiivka despues cu e comandante di e forsanan arma di Ucrania a bisa cu e tabata retirando tropanan for di e ciudad pa salba bidanan di soldaatnan.
Presidente Joe Biden a conta Zelenskyy den nan yamada diasabra cu e ta keda sigur cu e congreso Mericano lo aproba di mas fondo pa Ucrania. Pero ora a puntr’e si e tabata sigur cu mas fondo lo ser aproba prome cu Ucrania perde mas teritorio, Biden e bisa, “mi no ta.”
“Our actions are limited only by … our strength,” Zelenskyy said, pointing to the situation in Avdiivka after the commander of Ukraine’s armed forces said he was withdrawing troops from the city to prevent their encirclement and to save soldiers’ lives.
“Ucranianonan a bringa balentemente,” Biden a bisa. “Tin hopi cos den riesgo. E idea awo ora nan ta cabando cu municion cu nos lo hala atras. Mi ta hay’e absurdo.” E vocero di e Conseho di Seguridad Nacional di e Cas Blanco, Adrienne Watson, a yama e retiro “e costo di inaccion congresional.”
