(NLTimes)—Cadena di supermercado Jumbo a haci un yamado pa debolbe buscuchinan diahuebs, como cu nan por tin pidanan di metal den dje cu ta malo pa salud. Un dia despues, mas cadena di supermercado manera Albert Heijn, Dirk, Plus, Boni, Coop, Hoogvliet, Vomar y DekaMarkt a tambe a puntra clientenan pa debolbe cierto buscuchi di chuculati pa un reembolso. separadamente, Lidl a haci un yamado pa debolbe chuculati di conenchi.
Jumbo a pidi clientenan cu a cumpra e Jumbo Chocolate Cookies cu un fecha di vencemento 5-9-2024 y e Jumbo Double Chocolate Cookies cu un fecha di vencemento 13-9-2024 pa debolbe e productonan.
E problemanan di Albert Heijn tambe ta encera e buscuchinan di nan marca, den esnan Double Choc, Red Velvet, y Lemon Flavour. SPAR ta pidiendo pa debolbe e buscuchinan Triple Chocolate di nan marca. E buscuchinan dobel chuculati di e marca G’woon tambe ta bay ser kita for di cashi na Coop, Hoogvliet y Boon’s Markt.
Dirk, Vomar y Coop tur tin problema cu e marca Merca identifica como buscuchinan di cranberry y triple chocolate. Plus, Boni, DekaMarkt y Hoogvliet tin problema solamente cu e buscuchinan Triple Chocolate for di Merba.
Productor Merba, cual ta basa den Oosterhout, Noord-Brabant, a bisa cu e pidanan di metal ta demasiado chikito pa por ser descubri pa detectornan di metal den e liñanan di produccion. “E pidanan di metal descubri tin diferente tamaño, ta mayormente largo y fini, cual por ta un riesgo pa salud di hende si nan ser consumi,” e compania a bisa.
Chuculati di conenchi di Lidl tambe por causa problema, e tienda a bisa. E chuculati por tin pidanan di plastic duro, y Lidl a urgi su clientenan pa no consumi e mangel. Esaki ta relata na Favorina Easter Bunnies den praline blanco y praline puro, cu e bar code 20340902 y 20453435. Clientenan por haya un reembolso na e tienda.
