(AP)—Centares di dokternan Sur Koreano a protesta den e capital, Seoul, y otro ciudad diahuebs contra un plan di gobierno pa aumenta e cantidad di studiante medico. E gruponan di dokter ta bisa cu pa aumenta e cantidad pa 2,000 cuminsando 2025 ta demasiado hopi. Nan kier pa oficialnan uzo recursonan disponibel pa aumenta costo medico cu nan ta bisa ta demasiado abao.
Autoridadnan ta bisa cu Sur Korea mester mas dokter. E ta entre e cantidad di dokter mas abao compara cu e tamaño di e poblacion entre paisnan desaroya a pesar di demandanan creciente pa servicionan medico alimenta pa un sociedad cu ta embeheciendo hopi lihe.
Sur Korea tambe tin un di e gradonan di nacemento mas abao na mundo y ta experenciando deficitnan den dokter den algun profesion clave, incluyendo obstetricia y pediatria, y den regionnan rural pafo di e area capital.
E quota di studiante medico na Sur Korea a para na 3,058 desde 2006. Dokternan a resisti varios intento gubernamental pa aumenta e cantidad di studiante den e ultimo añanan, incluyendo durante e pandemia di Covid-19.
Mientras cu gruponan di dokter a menasa protesta, e ministerio di salud a socava e posibilidad di welganan grandi cu por stroba servicionan medico. Centares di dokter a marcha riba caya den yobida dilanti e oficina presidencial na Seoul, wantando banner y borchinan cu ta bisa: “Nos ta opone cu nos bidanan un aumento den studiantenan medico sin permiso di e sector medico.” A tene protestanan similar nacionalmente.
“Si e gobierno kier pa dokternan traha pa e sectornan crucial manera obstetricia y pediatricia, nan mester construi un net di seguridad legal y aumenta costo medico prome pa asina e dokternan den e sectornan ey no sinti nan mes presiona pa casonan lanta contra nan debi na accidentnan of pa haya strobacion di trabao pisa,” segun Joo Sooho, ex-presidente di Korea Medical Association.
Mientras cu e plannan di gobierno pa reuni cu gruponan di dokter pa adresa nan preocupacionnan, e no tin intencion pa modifica e scala y momento di e aumento di studiante medico, e segundo vice-minister di salud, Park Min-soo a bisa durante un audiencia ayera.
Den un editorial publica ayera, e corant Korea JoongAng Daily a bisa cu un protesta lo atrae poco apoyo publico.
