(NLTimes)—Tres hende cu conexion cu Hulanda ta riba e lista di personanan busca di e ministerio di asunto interior na Rusia, segun un investigacion pa e plataforma Ruso Mediazone. Un dama di 31 aña ta lista como un stranhero den e ehercito Ucraniano—Rusia ta sospech’e di a uni cu e International Legion y bringando pa Ucrania. E lista tambe ta inclui un homber di 76 aña y un homber di Armenia naci na Alkmaar, Noord-Holland.
Otro Europeonan riba e lista ta inclui e prome minister di Estonia, Kaja Kallas y secretaria di estado Taimar Peterkop, varios ministernan 67 parlamentarionan di Latvia, y dos alcalde di Ucrania. Piotr Hofmański, presidente di e International Criminal Court (ICC) tambe ta riba e lista di personanan busca.
Casi 97,000 hende tabata riba e lista na comienso di februari, segun Mediazome. Casi tur (98%) ta bin di Rusia of otro pais cu tabata parti di e Union Sovietico. Rusonan ta mas representa cu 31,484 riba e lista, sigui pa Armenionan (11,242) y Uzbekonan (10,473). Tambe tin 3,835 Ucraniano riba e lista.
Mediazone a subraya cu e database no ta lista pakico e hendenan ta ser busca, pues ta dificil pa distingui entre hendenan busca pa motibonan politico y esnan busca pa otro motibo. E plataforma a nota si cu 396 hende ta lista como “stranheronan den e ehercito Ucraniano.” E dama Hulandes ta riba e lista aki.
