(AP) – Oficialnan Mericano a bisa diaranson cu nan a stroba un esfuerso Chines cu sosten di e estado unda kier a planta un malware cu por a ser usa pa daña infrastructura civil, mientras e hefe di FBI a adverti cu Beijing ta posicionando su mes pa stroba e bida diario di Mericanonan si Merca y China mester cuminsa un guera.
E operacion, anuncia net prome cu director di FBI Chris Wray a dirigi su mes na legisladornan di e Cas Blanco, a stroba botnet di centenares di oficinanan chikito basa na Merca y routernan na casnan di ciudadanonan y companianan cu a ser secuestra pa e hackernan Chines pa cubri nan pasonan mientras nan tabata kier a planta e malware. Nan meta tabata inclui plantanan di tratamento di awa, e red di electricidad y sistemanan di transport rond di Merca.
Papiando dilanti House Select Committee tocante Chinese Communist Party, Wray a bisa cu tin demasiado tiki enfoke publico riba e menasanan cibernetico cu ta afecta “tur Mericano. China su hackernan ta posicionando riba infrastructura Mericano den preparacion pa trece caos y causa daño real na ciudadanonan y comunidadnan Mericano, si of ora cu China dicidi cu a yega momento di ataca,” Wray a declara. Jen Easterly, director di Department of Homeland Security Cybersecurity and Infrastructure Security Agency a expresa un sentimento similar despues di e audiencia.
“Esaki ta un mundo unda tin un crisis grandi den e otro banda di e planeta cu por pone den peliger e bida di Mericanonan na cas via strobamento di nos red di tubo, corta nos telecomunicacion, polucion di nos facilidadnan di awa, afecta nos modonan di transport, tur pa sigura cu nan por causa panico den sociedad y stroba nos habilidad” di por crea un respuesta suficientemente bon, el a expresa. E comentarionan ta alinea cu e evaluacionnan for di agencianan di siguridad cibernetico externo, incluyendo Microsoft, cual den mei a cay victima di hackernan Chines cu tabatin infrastructura critico di Merca como su meta y cu por ta cuminsando e fundeshi pa e strobamento potencial critico entre Merca y Asia durante crisisnan den futuro.
Por lo menos un porcion di e operacion aki, atribui na e grupo di hacker conoci como Volt Typhoon, awo a ser stroba pa FBI y oficialnan di departamento di husticia, a obtene ordo di confisca y buskeda na corte di Houston den december. Oficialnan di Merca no a caracterisa e accion aki su impacto y documentonan di corte revela diaranson ta bisa cu e botnet cu a stroba tabata solamente “un forma di infrastructura usa pa Volt Typhoon pa sconde nan actividad.” E hackernan a yega di infiltra e victima via varios caminda, incluyendo proveedornan di internet y cloud, disfrasando nan mes di trafico normal.
Durante e ultimo ananan Merca a bira mas agresivo den purba di stroba y desmantela ambos operacionnan cibernetico cu ta criminal y cu sosten di estadonan, cu Wray advirtiendo diaranson cu hackernan di Beijing tin e meta di revela secretonan di negoshinan pa avansa e economia Chines y horta informacion personal pa campanan di influencia den exterior.
