(AP) – Nacionnan Uni su corte top a bisa diabierna cu e tin hurisdiccion pa dicta veredicto riba un peticion di Ucrania pa declara cu Kyiv no ta responsabel di genocidio. E veredicto ta bini den un caso cuminsa pa Ucrania unda ta acusa cu Moscu a crea acusacionnan di genocidio pa hustifica su invasion di caso 2 aña atras.
Corte Internacional di Corte di Husticia a bisa cu e no tin hurisdiccion den 2 otro aspecto di Ucrania su caso, acusacionnan cu Rusia su invacion ta den violacion di e convenio di aña 1948 di genocidio y cu Moscu su reconocimento di 2 republica den oriente di Ucrania tambe ta un kiebro di e convenio aki. Moscu ta rechasa e acusacionnan aki y a argumenta aña pasa cu corte mester benta afo e caso aki sin nisikiera considera e meritonan di Kyiv su acusacionnan. Na audiencianan cu a tuma luga den september, e lider di Moscu su ekipo legal, Gennady Kuzmin, a yama Ucrania su caso “sumamente yen di fayo y den contra di e hurisprudencia di e corte aki.”
Pa corte por tin e hurisdiccion, Ucrania mester establece cu e tin un disputa cu Rusia a causa di e convenio di genocidio. Miembro di Moscu su ekipo legal, Sienho Yee, a conta huesnan den september cu Rusia no a usa e convenio di genocidio pa hustifica su accionnan militar na Ucrania, bisando cu nan ta basa riba “e derecho di determinaicon propio y su derecho di defensa propio.” Na e mesun audiencianan, Ucrania a insisti cu e corte tin hurisdiccion y a critica Moscu pa abiertamente ignora un ordo interino di e corte pa para us invasion.
E corte a ordena Rusia pa stop e operacionnan militar na Ucrania mientras e procedencia legal a bay dilanti durante e aña su prome simannan, den maart di aña 2022. “Rusia su negacion tambe ta un atake riba e corte aki su autoridad. Tur misil cu Rusia dispara na nos ciudadnan, e ta un tiro den contra di nos corte,” e lider di Ucrania su ekipo legal, Anton Korynevych, a conta e panel di 16 hues.
Huesnan na e corte a critica Rusia pa su invasion riba diaranson mientras nan tabata tuma decison riba otro caso entre 2 pais conecta na atakenan di oriente di Ucrania desde aña 2014 y discriminacion den e parti anexa Crimea.
Si e huesnan declara cu nan tin hurisdiccion den e caso di genocidio, e lo move den lunanan binidero na dialogo di e merito di Ucrania su argumentonan. Un decision final y legal ta posibel di ta añanan leu ainda.
E convenio ademas di corte basa na Den Haag a ser critica fuertemente den simannan recien ora cu Sur Africa a habri un caso acusando Israel di genocidio den su operacion militar debastador na Gaza despues di e atakenan di dia 7 di october di Hamas.
