(AP) – Na New York, e pregunta a dividi gobierno local mientras e Conseho di Ciudad ta pusha pa aproba e proposicion, tocante e obhecion di alcalde Eric Adams, cu lo rekeri e oficialnan documenta informacion basico cada biaha cu nan cuestiona of interoga un persona.
E problema a ser lansa riba escenario nacional den dianan recien ora cu oficialnan di NYPD a stop un homber di color scur cu tabata miembro di Conseho sin cu el a duna su persona un motibo pa esaki. E acta How Many Stops tabata den direccion pa yega na un voto final di e conseho. Adams a blokia e legislacion anteriormente den e luna aki, sinembargo miembronan di e conseho ta premira di tin suficiente sosten pa por pasa riba e blokeo aki y aproba e proposicion.
E legislacion aki lo duna esnan cu ta boga pa reforma den polis un victoria grandi den rekeri e nacion su departamento di polis mas grandi y su 36,000 oficial documenta tur encuentro investigativo den un ciudad unda ta forma parti di e oficialnan su rutina pa stop y revisa un gran cantidad di hende homber pa arma, un strategia cu ta impacta y tin un peso grandi riba e comunidadnan di color scur. E lo rekeri e oficialnan pa documenta e edad, genero y etnicidad di e persona cu nan stop den encuentronan di nivel abao, unda polis ta pidi informacion for di hendenan cu no ta necesariamente sospechoso den un crimen.
Oficialnan tambe mester reporta e motibo pa cual e interaccion a tuma luga y e circunstancianan dicon a para e persona en particular. E data lo ser haci publico riba e website di e departamento. “Loke e How Many Stops Act lo haci ta, cu ora cu un miembro di NYPD cuminsa un encuentro investigativo oficial, nan mester documenta esaki,” Michael Sisitzky di e sucursal na New York di American Civil Liberties Union.
