(NLTimes)—E benta y uso di cocaina y otro droga no mester ta un ofensa castigabel mas, segun Alcalde di Amsterdam Femke Halsema den un entrevista den e Financieele Dagblad (FD). Segun e alcalde, e lucha contra droga ta “perverso y no ta productivo.” E kier pa mercadonan di droga ser regula pa socava e model di entrada di “criminalnan deshonesto.” El a conta FD.
Halsema no kier aboga pa e “legalisacion impulsivo” di cocaina, pero pa regulacion di e droga, su vocero a bisa. Esaki lo stroba e motibo pa criminalnan tuma parti den traficacion di droga. E vocero a nota cu esaki ta sosodiendo caba den e proyecto piloto Hulandes pa cultiva cannabis, unda cannabis ta ser suministra legalmente na coffeeshopnan.
Esaki no ta e prome biaha cu Halsema a boga pa un acercamento nobo na e politica di droga. Por ehempel, durante un conferencia riba crimen organisa na october 2022, el a bisa cu “e guera riba droga no ta trahando.” Tambe el a expresa e speransa cu paisnan lo considera uzo di droga di manera diferente y cu un “strategia alternativa” mester ser formula.
Na comienso di luna, e alcalde a adverti den un piesa di opinion den The Guardian cu Hulanda ta den riesgo di bira un narco-estado. “Nos ta orguyoso di nos politica di droga pa salud, pero e aumento den droga ilegal global ta nifica cu mester solucion internacional,” Halsema a skirbi. Tambe el a conta miembronan di conseho recien cu e ta anticipa cu crimen relata na droga lo aumenta den e proximo decada.
Den e entrevista di FD publica ayera, el a bisa cu tin un mercado pa droga stimulante, y cu centenares di aña di demotivacion y intentonan pa caba cu uzo di droganan asina a logra “hopi tiki.” Halsema a bisa,” aproximadamente 80% di nos capacidad di polis ta ser aloca den crimen di droga. Na Hulanda y Belgica, prijsnan di caya pa cocaina a keda exactamente mescos pa varios aña. Pues bo por conclui cu e cantidad di esfuerso no tabatin efecto riba e mercado.”
Lo ta miho pa kita e modelo di entrada di criminalnan en bes di continua cu un acercamento inutil pa reduci traficacion y uzo di droga. “Mi ta parti di un grupo creciente di scientifico- y adminsitradonan cu ta bisa cu e guera internacional riba droga tin efectonan perverso di cual nos ta sufri mas compara cu di droganan mes.”
Awe, e conferencia internacional Dealing with Drugs lo tuma luga na Beurs van Berlage na Amsterdam. E conferencia lo examina crimen di droga y con e mercado por ser regula. Halsema lo duna un adres, y lo ta un di e varios alcalde y expertonan for di otro pais presente.
