Ayera tardi na centro di Conexion Setar a tuma luga e entrega di premio na esnan cu a gana den eventonan di SMAC y alabes a gradici na nan pa nan participacion y esfuerso poni den cada un di nan presentacion.
Pa mas cu 20 aña caba, Setar ta sponsor oficial di carnaval y esey pa nan ta hopi importante mirando cu esaki ta e fiesta cultural di mas grandi cu Aruba ta celebra. Debi na esaki, nan como compania estatal ta aporta hopi fuerte na dje hunto cu SMAC, dunando premio na tur finalista cu a gana e premio maximo di carnaval. Setar a duna cada ganado den diferente categoria un celular y un jug.
Tur grupo di mucha tambe a haya patrocinio di Setar pa asina percura pa e carnaval por keda bibo den muchanan ya cu nan den futuro lo sigui carga carnaval.
SMAC tambe tabata presente den evento aki caminda nan ta gradici Setar pa por realisa carnaval pa pueblo di Aruba, “mirando cu e no ta algo facil, ta algo costoso tambe y p’esey mes mi ta kere cu partners sigur, manera Setar, ta hopi importante. Danki pa esfuerso cu boso ta haci pa yuda carnaval sigui bibo, tanto den muchanan como den grandinan,” Darren van Ommeren, presidente di SMAC a sigura.
E ganadornan ta:
Prins cu Pancho Infantil: Arnold Malmberg y Jayven Jansen, Prins cu Pancho Hubenil: Cayle Vis y Edan Geerman , Prins y Pancho Grandi: Samuel Winklaar y Jerwin Mercera, Prins y Pancho Adulto: Anthony Dijkhoff y David Simon, Calipso King Infantil: J-Vyon Besselink y Jiv-Mariachi, Calipso Queen Hubenil: Ivy-Ann Browne ‘Queen Ivy’ , Roadmarch Queen Infantil: Zanae Vesprey ‘Easy Z’, Roadmarch Queen Hubenil: Jetsenia Martines, Tumba Infantil: Ian Tromp, Reina di Tumba Hubenil: Jetsenia Martines, Reina di Tumba: Giliane Wester , Rey di Tumba Loco: Tyson Croes.
Reina Infantil 47 y Reina Infantil di Noord: Xeena Dijkhoff, Reina Hubenil 59 di Noord Infinity Carnival Group: Jaylienne Tromp, Reina Grandi Carnaval 70 TOB Carnival Group: Gedis Jansen y e 28 Señora Carnaval Aruba di EPB Oranjestad: Tatiana Tromp.
