(NTN24) – Den oranan di merdia ayera dialuna, fiscal di regimen Venezolano, Tarek William Saab a informa cu a solicita ordennan nobo di detencion contra Venezolanonan sospechoso di un supuesto plan nobo pa derota Nicolas Maduro, manera e propio gobernante a denuncia dianan atras.
Entre e solicitudnan nobot a inclui e periodista di fuente militar, Sebastianan Barraez, como tambe abogado y defensor di derechonan humano, Tamara Suju.
“A acorda orden di captura contra Tamara Sulay Suju; Wender Villalobos; Norbey Marin; Maria Sebastiana Barraez; Mario Carratu Molina; y Jose Antonio Colina,” Saab a bisa for di su despacho.
Durante e dunamento di memoria y cuenta di Nicolas Maduro, a informa tocante al menos cuatro supuesto plan conspirativo cu segun su persona, tabatin como obhetivo un magnicidio y pa genera desestabilisacion na Venezuela.
Sindicato Nacional di Trahadornan di Prensa a informa tambe tocante e señalamento grave contra e periodista Barraez, kende a haci denuncianan serio di iregularidadnan den Forsanan Arma.
Tambe Colegio Nacional di Periodista a condena e acusacion. “Fiscalia General di Republica a infroma tocante e emision di orden di captura contra colega Barraez pa supuesto accion terorista. Ta ripiti e libreto for di e esferanan halto di poder pa criminalisa e ehercicio periodistico.”
Ta bay investiga Barraez hunto cu Tamara Suju, Wender Villalobos, Norbey Marin, mario Carratu y Jose Colina pa traicion di patria, homicidio intencional califica den grado di tentativa den persona di e presidente y gobernador di Tachira, terorismo y asociacion.
