(NLTimes)—E medicamento anti-inflammatorio diclofenac por ser descubri frecuentemente den awanan Hulandes, segun instituto nacional di salud publico RIVM. “Esaki por ta pasobra e medicamento aki ta ser hunta riba cuero como un gel. Mayoria di esaki ta ser laba ora hende ta baña of laba paña,” e organisacion a declara.
Otro medicamento pa dolor tambe ta un riesgo na e awanan, manera e instituto a descubri durante su mesun investigacion. Ibuprofen y naproxen, dos medicamento comun, tambe ta un peliger pa e medio ambiente acuatico. Pero e nivel di diclofenac descubri den e awa tin biaha tabata mas halto compara cu e standard Europeo pa mita di e sitionan examina, RIVM a observa.
Restonan di medicina cu ta sali den awa por trece daño na bida di animal den y cerca di e area, e instituto a adverti. Dokter- y consumidonan mester ricibi mas informacion tocante esaki y mester scoge medicamentonan cu ta mas miho pa e medio ambiente unda ta posibel, e instituto a conclui. Paracetamol y aspirin, por ehempel, ta causa menos contaminacion di awa.
“Ora bo scoge un medicamento pa dolor, eficacia y siguridad pa e pashent ta mas importante,” RIVM a subraya. E instituto ta bisa cu ainda mester ser determina con e efecto di medicamento riba e medio ambiente por ser inclui den e liñanan di guia di varios tratamento.
E planta di rioolering no por kita restonan di medicina for di awa, pues nos mester sigura cu menos di esaki sali den dje. Pa bebe menos cu ta posibel ta un bon comienso, segun RIVM.
