(AP) — Hapon a bira e di cinco pais den historia pa alcansa e Luna na momento cu un di su nave espacial sin astronauta exitosamente a haci un aterisahe riba e superficie lunar diasabra trempan.
Sinembargo, oficialnan espacial a bisa cu nan mester mas tempo pa analisa si e Smart Lander pa Investiga Luna, of SLIM pa su siglanan na Ingles, a logra su mision prioridad di haci un aterisahe pinpoint. Nan tambe a bisa cu e panel solar di e nave no a logra genera coriente, loke por reduci su actividad riba e Luna.
Oficialnan ta kere cu e rovernan chikito di SLIM a keda lansa segun plan, y cu ta transmitiendo data backpa Tera, segun Hitoshi Kuninaka, cabesante di Instituto di Ciencia Espacial y Astronautico, un unidad di Agencia Espacial Hapones.
Pero el a bisa cu e bateria solar di SLIM no ta generando coriente y cu tabatin apenas algun ora mas di bida. El a bisa cu e prioridad awo ta pa e nave compila e mayor cantidad di data posible tocante su aterisahe y e Luna riba e bateria cu ta resta.
Hapon ta sigui Merca, Union Sovietico, China y India pa alcansa e Luna.
Kuninaka a bisa cu e ta kere cu programa espacial di Hapon al menos a logra exito “minimo.”
SLIM a aterisa riba e luna pa alrededor di 12:20am ora di Tokyo riba diasabra.
Tabatin un espera tenso pa noticia despues cu control di mision di Agencia Hapones di Exploracion Aeroespacial (JAXA) inicialmente a bisa cu SLIM tabata riba e superficie lunar, pero cu ainda tabata “check su status.” No a duna mas detaye te un conferencia di prensa casi dos ora despues.
Pa e mision wordo considera completamente exitoso, oficialnan espacial mester confirma si SLIM a haci un aterisahe pinpoint. Kuninaka a bisa cu mientras tin mester di mas tempo, personalmente e ta pensa cu mas probablemente a logra, basa riba su observacion di data mustrando movemento di e nave espacial te cu e aterisahe y su habilidad pa transmiti señal despues di aterisa.
SLIM, cu tabatin meta pa un obhetivo hopi chikito, ta un nave liviano como tamaño di un vehiculo di pasahero. E tabata usando tecnologia di “aterisahe pinpoint” cu ta priminti hopi mas control cu cualkier aterisahe lunar anterior.
Mientras mayoria di investigacion anterior a usa zonanan di aterisahe di como 10 kilometer amplio, SLIM tabatin meta di apenas 100 meter. Un aterisahe asina preciso lo ta e prome na mundo, y lo ta un tecnologia crucial pa un sistema di exploracion espacial sostenible a largo plaso y corecto, segun Hiroshi Yamakawa, presidente di JAXA.
Hapon mester di e tecnologia pa sigura su lugar y contribui den proyectonan espacial internacional, Yamakawa a bisa.
E proyecto tabata e fruto di dos decada di trabao riba tecnologia di precision di JAXA.
SLIM, apoda “Moon Sniper”, a cuminsa su descenso mey anochi di diasabra, y dentro di 15 minuut ya a logra baha na un distancia di como 10km riba superficie lunar, segun e JAXA.
Na un haltura di como 5km, e lander tabata den modo di descenso vertical, despues na 50 meter riba superficie, SLIM tabata supposed di haci un movemento paralel pa haya un spot safe pa aterisa, segun e agencia.
E nave tabata test tecnologia pa permiti misionnan Lunar pa aterisa “unda nos kier, na lugar di unda ta facil pa aterisa,” JAXA a bisa. E nave tambe tabata supposed di busca pista tocante origen di e Luna, incluyendo analisa mineral cu un camara special.
SLIM, ekipa cu un pad riba cada un di su cinco pata pa suavisa impacto, tabatin meta pa aterisa cerca di e crater Shioli, cerca di un region cubri pa piedra volcanico.
E mision observa hopi di cerca a yega apenas 10 dia despues di un mision Lunar di un compania priva Mericano cu a fracasa na momento cu e nave involucra a desaroya un leak di fuel apenas algun ora despues di e lansamento.
A lansa SLIM riba un raket Mitsubishi Heavy H2A na september. Inicialmente a orbita Tera y a drenta orbita Lunar dia 25 di december.
Hapon ta spera di gana confiansa back pa su tecnologia espacial despues di un cantidad di fracaso. Un nave diseña pa un compania Hapones a crash durante un intento di aterisahe Lunar na april, y un raket nobo a fracasa den su debut di lansamento na maart.
JAXA tin historia cu aterisahenan dificil. Su nave Hayabusa2, lansa na 2014, a aterisa dos biaha riba e asteroide Ryugu di 900 meter di largura, colectando muestra cu a trece back pa Tera.
Un aterisahe pinpoint exitoso di SLIM, specialmente riba Luna, lo eleva perfil di Hapon den careda global di tecnologia espacial.
Takeshi Tsuchiya, profesor di aeronautica na Scol Graduado di Ingenieria na Universidad di Tokyo a bisa cu ta importante pa confirma e precision di e aterisahe riba e area cu tabata e meta.
“Ta necesario pa mustra mundo cu Hapon tin e tecnologia adecua pa asina por determina e posicion di Hapon den desaroyo Lunar adecuadamente,” el a bisa. Luna ta importante for di perspectiva di exploracion di recurso, y tambe por ser usa como un base pa bay otro planeta manera Mars, el a bisa.
SLIM tabata transportando dos investigacion chikito autonomo – vehiculonan di excursion Lunar LEV-1 y LEV-2, cual oficialnan a bisa ta kere a keda desplega prome cu aterisahe.
LEV-1, ekipa cu un antena y un camara, ta encarga di graba aterisahe di SLIM. LEV-2, ta un rover den forma di bala cu dos camara, desaroya pa JAXA hunto cu Sony, fabricante di co’i hunga Tomy, y Universidad Doshisha.
