(NLTimes)—Pa ricibi e Famia Real Hulandes pa celebracion di Dia di Rey 2024 lo costa 800,00 euro mas cu loke Emmen a presupuesta inicialmente. E muncipio na Drenthe a calcula costonan di 1.5 miyon euro ora a anuncia na juli cu Rey Willem-Alexander lo bishita Emmen cu su famia. E lidernan politico di e ciudad ta anticipa awo pa gasta un minimo di 2.3 miyon euro pa e evento dia 27 di april.
Segun e municipio, esaki ta principalmente debi na un aumento den costonan di personal den e sector di eventonan. Ademas, awo e ciudad kier organisa festividad den e pueblonan y aldeanan cual tambe ta forma parti di Emmen.
Dia 27 di april, Emmen kier mustra cu e municipio tin un rol central den e region zuidoost di Drenthe. E programa ta tocante conectividad y reunion cu otro, segun e municipio. Temanan pa e aña aki lo ta orguyo, espacio y energia.
E entusiasmo na Emmen ta enorme caba, e municipio a bisa. Emmen lo tin un oportunidad pa presenta nan mes pa henter Hulanda via transmisionnan riba television y otro atencion di media, segun e alcalde y consehalnan.
Den otro municipio cu a organisa Dia di Rey, e cantidad di turista a aumenta pa varios diesmiles di hende. E evento a genera 6 pa 7 miyon euro den gasto pa catering na Rotterdam aña pasa.
Emmen ta pensa cu e por cubri e extra placa necesario for di e presupuesto di e ciudad. E provincia di Drenthe tambe lo contribui un miyon euro. E costonan por sigui aumenta debi na gastonan cu por enfrenta sufrimento, pero porta mas despues, manera e compra di un screen grandi nobo cu lo ser pone riba Raadhuisplein. Henter e conseho di Emmen lo dicidi otro siman si nan lo autorisa e municipio pa gasta mas riba Dia di Rey.
